KATTUMANNARKOIL

Updates

2012-02-17T20:49:00.000+05:30

காட்டுமன்னார்கோயில் கேலரி பேஜ் அப்டேட் செய்யப்பட்டுள்ளது. தங்கள் புகைபடங்களை இத்துடன் இனைக்க கேலரின் ரைக் கிளிக்கில் Contact Us ல் தொடர்பு கொள்க. காட்டுமன்னார்கோயில் வார்டு மெம்பர்ஸ் போட்டாக்கள் மற்றும் அவர்களின் விலாசங்களை யாராவது அனுப்பினால் நன்றாக இருக்கும். அந்த பேஜ் மட்டும் பழைய விபரங்களோடு உள்ளது. In the meantime, enjoy browsing my blog :))))

மின்சார சிக்கனம் தேவை இக்கணம்

2012-02-17T12:22:00.000+05:30

மின்சார தட்டுபாடு குறைக்க மின்வெட்டை அமல்படுத்தினால், நம் மக்கள் இன்வெர்ட்டரகளை உபயோகிக்க தொடங்குகிறார்கள். இதனால் மின்வெட்டால் பிரயோஜனம் இல்லை என்ற செய்தி காண கிடைத்தது. தொழில்சாலைகளுக்கு அதிகாரபூர்வமான விடுமுறை அளிக்க சொல்லலாமா என தமிழக அரசு ஆலோசிப்பதாக வரும் செய்திகள் மின்தட்டுபாடு கையை மீறி போய்விட்டதோ என அஞ்சதோன்றுகிறது.

குறுந்தொழில் புரிவோர், பொது தேர்வை எதிர்நோக்கியுள்ள 12 ம் வகுப்பு மாணவர்களின் எதிர்காலம் மின்வெட்டால் பெரிதும் பாதிக்கப்படும் சூழ்நிலையில், நாம் குறிப்பாக சென்னை வாழ் மக்கள் அரசுக்கும், மாணவ செல்வங்களுக்காகவும் செய்ய வேண்டியது, மின்சார சிக்கனம். இதை எப்படி தொடங்கலாம், இப்படியும்

1.தயவுசெய்து இன்வெர்ட்டர்களில் சார்ஜை நிரப்பி மின்வெட்டை சமாளிக்காதீர்கள்

2.ஏர் கண்டிஷன்களை உபயோகப்படுத்துவது தற்காலிமாக நிறுத்தி வைக்கலாமே

3.தேவையில்லாமல் ஓடிக்கொண்டிருக்கும் மின்விசிறையை அனைப்பதில் தொடங்கி, குண்டு பல்ப்பை மாற்றுவது வரை நாம் பல யூனிட் மின்சாரத்தை சேமிக்கலாமே

4. வழக்கமாக வீட்டிற்கு கட்டும் மின்தொகையில் 3 ல் 1 பங்கு, இல்லையா 2 பங்கு நீங்கள் கட்டினாலும் அது உங்களின் பங்களிப்பை காட்டும்.

பாலிதீன்களில் பைகளில் குப்பையை நிரப்பி சாக்கடை ஓடும் கால்வாய்களில் எறிந்துவிட்டு சாக்கடையில் அடைப்பு ஏற்பட்டவுடன் குய்யோ முய்யோ என கத்துவதும், வீட்டின் முன்புற ரோட்டில் தண்ணீர் தேங்கும்போது விட்டுவிட்டு பின்பு அதில் பள்ளம் விழும்போது கவுன்சிலரிடம் கம்ப்ளெய்ட் பண்ணுவதுமான நம் மக்களின் வாழ்வியல் நெறிமுறைகளில் மாற்றம் வந்தால்தான் ஆளும் அரசும் நம்மீது அன்பு கொள்ளும். அந்த மாற்றம் மின்சார சிக்கனத்தில் இருந்து ஆரம்பிக்கலாமே!

ஜமாஅத்தினர் விண்ணப்பம் செய்க

2012-02-15T19:17:00.000+05:30

இந்திய யூனியன் முஸ்லிம் லீக் கோரிக்கையை ஏற்று பட்டா வழங்கப்படாமல் இருக்கும் பள்ளிவாசல்,கபரஸ்தான்,தர்காகளுக்கு உடனே பட்டா வழங்க தமிழக அரசு உத்தரவு…
தாய்ச்சபையின் தன்நலமில்லா தியாகப்பணிக்கு மேலும் ஓர் சான்று.. அல்ஹம்துலில்லா

நன்றி:லால்பேட்டை எக்ஸ்பிரஸ்.காம்.
http://www.lalpetexpress.com/?p=5418

எம்.எல்.ஏ காயம்

2012-02-08T09:18:00.000+05:30

காட்டுமன்னார்கோவில் அருகே கார் கவிழ்ந்து நடந்த விபத்தில் அதிமுக எம்எல்ஏ முருகுமாறன் காயத்துடன் தப்பினார். கடலூர் மாவட்டம் காட்டுமன்னார்கோவில் தொகுதி அதிமுக எம்எல்ஏ முருகுமாறன். இவர், ஒரு திருமண நிகழ்ச்சியில் கலந்து கொள்வதற்காக இன்று காலை சேத்தியாதோப்புக்கு காரில் சென்று கொண்டிருந்தார். கும்பகோணம் - சென்னை தேசிய நெடுஞ்சாலையில் வானமாதேவி என்ற இடத்தில் சென்ற போது திடீரென்று சாலையின் குறுக்கு முதியவர் ஒருவர் சென்றுள்ளார்.

முதியவர் மீது மோதாமல் இருக்க காரை சாலையின் ஓரமாக டிரைவர் இறக்கியுள்ளார். இதில் கட்டுப்பாட்டை இழந்து ஓடிய கார் கவிழ்ந்தது. காரில் இருந்த எம்எல்ஏ முருகுமாறன், காட்டுமன்னார்கோவில் சேர்மன் மணிகண்டன் ஆகியோருக்கு காயம் ஏற்பட்டது. இதையடுத்து 2 பேரும் சிதம்பரத்தில் உள்ள தனியார் மருத்துவமனையில் சேர்க்கப்பட்டனர். சோழதரம் போலீசார் விபத்து குறித்து விசாரணை நடத்தி வருகின்றனர்.

தினகரன்

விவசாயிகளுக்கு ரூ.250 கோடி இழப்பு

2012-02-06T09:26:00.001+05:30

கடலூர் மாவட்டத்தில் பெருவாரியான பகுதிகளில் சம்பா பருவத்தில் நெல் பயிரிடப்படுகிறது. இவ்வாண்டு காவிரி டெல்டா பாசனப் பகுதியான 1.5 லட்சம் ஏக்கர் உள்ளிட்ட 2.5 லட்சம் ஏக்கரில் சம்பா நெல் பயிரிடப்பட்டு இருந்தது. மேட்டூர் அணை முன் கூட்டியே திறக்கப்பட்டதால் டெல்டா விவசாயிகள் நடவுப் பணிகளில் தீவிரமாக ஈடுபட்டனர். விளைச்சல் அமோகமாக இருக்கும் என்றும் எதிர்பார்த்த நிலையில், புயல் வடிவில் அவர்களது வாழ்வில் விதி விளையாடிவிட்டது.

நன்கு விளைந்திருந்த நெல் மணிகளை, புயல் வாரிச் சென்றுவிட்டது. பூக்கும் நிலையில், பால் பிடிக்கும் நிலையில் இருந்த நெற்பயிர்களை சேதப்படுத்தி, பதராக மாற்றிவிட்டது. ஜனவரி 18-ம் தேதிக்கு மேல், நெல் அறுவடை தொடங்கியது. ஆனால் மகசூலோ விவசாயிகளை ஏமாற்றம் அடையச் செய்துவிட்டது.

வடவாறு பாசனப் பகுதிகள் (11 ஆயிரம் ஏக்கர்) மற்றும் வடக்கு ராஜன் வாய்க்கால் பாசனப் பகுதிகளில் (27 ஆயிரம் ஏக்கர்) பெரும்பாலும் அறுவடை முடிந்துவிட்டது. ஆனால் இவற்றில் 60 சதவீத மகசூல் தான் கிடைத்ததாக விவசாயிகள் கூறுகின்றனர். வீராணம் பாசனப் பகுதிகளில் (50 ஆயிரம் ஏக்கர்) 50 சதம் அறுவடை முடிந்துவிட்டது. இதில் 40 சதவீதம்தான் மகசூல் என்கிறார்கள் விவசாயிகள்.

கடைமடைப் பகுதிகளில் (50 ஆயிரம் ஏக்கர்) 10 நாள்களில் அறுவடை தொடங்கும் என விவசாயிகள் எதிர்பார்க்கின்றனர். ஆனால் அப்பகுதிகளில் அறுவடைக்கான கூலியை கொடுக்கக் கூட நெல் கிடைக்குமா என்ற அச்சத்தால், அறுவடை செய்யாமல் அப்படியே விட்டுவிடலாமா என்று எண்ணுவதாக விவசாயிகள் கூறுகின்றனர். டெல்டா அல்லாத பகுதிகளில் சுமார் 70 ஆயிரம் ஏக்கரில் இப்போது அறுவடை நடக்கிறது. அங்கும் மகசூல் 50 சதம்தான் என்கிறார்கள் விவசாயிகள்.

கொள்முதலும் குறைவு: கடலூர் மாவட்டத்தில் 125 இடங்களில் அரசு நேரடி நெல் கொள்முதல் நிலையங்கள் திறக்கப்பட்டு, ஜனவரி 10-ம் தேதி முதல் கொள்முதல் நடந்து வருகிறது. ஆனால் சனிக்கிழமை வரை 17,960 டன் மட்டுமே நெல் கொள்முதல் செய்யப்பட்டு உள்ளது. கடந்த ஆண்டு சம்பா பருவத்தில் 1.19 லட்சம் டன் கொள்முதல் செய்யப்பட்டது. இந்த ஆண்டு அதில் பாதி அளவுக்கு கூட கொள்முதல் செய்ய முடியுமா என்று அதிகாரிகள் சந்தேகம் தெரிவிக்கிறார்கள்.

கடலூர் மாவட்டத்தில் சுமார் 2.5 லட்சம் ஏக்கரில் நெல் நடவு செய்யப்படுகிறது. இதில் சராசரியாக ஏக்கருக்கு 2,100 கிலோ நெல் கிடைக்கிறது. 2.5 லட்சம் ஏக்கரில் கிடைக்கும் நெல்லின் குறைந்தபட்ச மதிப்பு ரூ.495.6 கோடி. இவ்வாண்டு 50 சதம் மகசூல் பாதிப்பு என்று எடுத்துக் கொண்டாலும், இந்த ஆண்டு சம்பா நெல் விசாயிகளுக்கு புயலால் ஏற்பட்ட இழப்பு ரூ.250 கோடிக்கும் அதிகம் என்கிறார்கள் விவசாயிகள்.

அரசு நிவாரணம் ரூ.120 கோடி: புயலால் பாதிக்கப்பட்ட கடலூர் விவசாயிகள் அனைவருக்கும் அரசு அளித்துள்ள நிவாரணத் தொகை ரூ.120 கோடி. 1.80 லட்சம் ஏக்கரில் நெற்பயிர் பாதிக்கப்பட்டு இருப்பதாக அரசு தெரிவிக்கிறது. ஏக்கருக்கு ரூ.4 ஆயிரம் நிவாரணம் வழங்கப்படுகிறது. அதன்படி பார்த்தால் நெல் விவசாயிகளின் ரூ.250 கோடி இழப்புக்கு, அரசு வழங்கும் இழப்பீடு வெறும் 72 கோடி ரூபாய் தான். இது தவிர பயிர் காப்பீட்டு நிறுவனம் மூலமும் பதிப்பு கணக்கிடப்பட்டு வருகிறது.

கடலூர் மாவட்டத்தில் 1.70 லட்சம் நெல் விவசாயிகளில் 8 ஆயிரம் பேர் மட்டுமே பயிர் காப்பீடு செய்து உள்ளனர். இவர்களுக்கு ஏக்கருக்கு ரூ. 3 ஆயிரம் முதல் ரூ. 5 ஆயிரம் வரை இழப்பீடு கிடைக்க வாய்ப்பு உள்ளது.

நெல் விவசாயிகளின் முழு பாதிப்பையும் யாராலும் ஈடுசெய்ய இயலாது. கடலூர் மாவட்டத்தில் இயற்கைச் சீற்றம் ஆண்டுதோறும் நிகழ்கிறது. எனவே அனைவரும் பயிர் காப்பீடு செய்வதன் மூலமே 80 சதவீதம் வரை இழப்பை ஈடுசெய்ய முடியும் என்கிறார், மாவட்ட உழவர் மன்றங்களின் கூட்டமைப்புத் தலைவர் பி.ரவீந்திரன்.

பயிர் காப்பீட்டுத் தொகையில் 11.90 சதம் பிரீமியம் செலுத்த வேண்டும். இதில் 6.90 சதத்தை மத்திய, மாநில அரசுகள் செலுத்துகின்றன. மீதம் 5 சதத்துக்கு விவசாயிகள ஏக்கருக்கு குறைந்தது ரூ.357 செலுத்தினால் போதும். இதிலும் ஒரு பகுதியை அரசு ஏற்றுக் கொண்டு, அனைத்து விவசாயிகளையும் பயிர் காப்பீடு செய்ய வைப்பதன் மூலமே, நெல் விவசாயத்தைக் கப்பாற்ற முடியும் என்றார் அவர்.

நன்றி:தினமணி

மின்தடை நேரம் மாற்றம்

2012-02-01T17:21:00.001+05:30

சிதம்பரம் கோட்டத்துக்கு உள்பட்ட கீழ்கண்ட பகுதிகளில் 2 மணி நேரம்மின்நிறுத்தம் செய்யப்படும் நேரம் பிப்ரவரி 1-ம் தேதி முதல் கீழ்கண்டவாறுமாற்றம் செய்யப்பட்டுள்ளது என செயற்பொறியாளர் எஸ்.பாலசுப்பிரமணியன்தெரிவித்துள்ளார்.சிதம்பரம் நகரம் நடராஜா மின்னூட்டி மூலம்மின்சாரம் பெறும் பகுதிகள்

காலை 6 முதல் 8 மணி வரை, டூரிசம் மின்னூட்டிமூலம் மின்சாரம் பெறும் பகுதிகள்- மாலை 4 முதல் 6 மணி வரை. அண்ணாமலை நகர்,மாரியப்பாநகர் மற்றும் அதனை சுற்றியுள்ள பகுதிகள்- மதியம் 12 முதல் 2 மணிவரை. அம்மாபேட்டை, மணலூர், வண்டிகேட் மற்றும் அதனை சுற்றியுள்ள பகுதிகள்-மதியம் 2 முதல் 4 மணி வரை. காட்டுமன்னார்கோவில் நகரம், லால்பேட்டைமற்றும் அதனை சுற்றியுள்ள பகுதிகள்- காலை 6 முதல் 8 மணி வரை. புவனகிரி,கீரப்பாளையம் மற்றும் அதனை சுற்றியுள்ள பகுதிகள்- காலை 10 முதல் 12 மணிவரை. பரங்கிப்பேட்டை, பு.முட்லூர் மற்றும் அதனை சுற்றியுள்ள பகுதிகள்-மாலை 4 முதல் 6 மணி வரை. ஸ்ரீமுஷ்ணம், சேத்தியாத்தோப்பு நகரம் மற்றும் அதனை சுற்றியுள்ள பகுதிகள்- காலை 10 முதல் 12 மணி வரை.

நன்றி:தினமணி

படம் பார்த்து கவிதை சொல்லல்

2012-01-25T23:13:00.000+05:30

பெருவெளியை நீலமாக கொண்ட பூளோகத்தில் சீன
பெரும் சுவற்றின் கோடாய் மாறுவேனோ

சமவெளி பாலைவனத்தில் மலைபோல் எழுந்து நிற்கும்
கிரேக்க பிரமிடாய் எழுவேனோ

நீக்கமற நிறைந்திருக்கும் காடுகளுக்கு நடுவே ஓடும்
அமேசான் ஆறுபோல் நடப்பேனோ

பசிபிக் பெருங்கடலின் மர்ம முக்கோணம்
பெர்முடா போல் ஆழ்ந்து போவேனோ

சாய்கோபுரமாய் சாய்வேனோ, நயாகரவாய் வீழ்வேனோ
இமயமலையாய் உருகுவேனோ, கங்கையை போல் பாய்வேனோ

தட்டையான பார்வையில் தனித்துவமாய் தெரிபவை
தவிக்க முடியதாவையாக ஆகி போகிறது

பிரமாண்டங்களை மனிதமனம் உவமையாக்குகிறது
பிரமிக்கும் கைவண்ணங்களை உள்வாங்கிகொள்கிறது

நிலை கண்ணாடியாய் நிலைநிறுத்தபட்ட வெள்ளை காகிதத்தில்
மனித மனம் கட்டவிழ்கிறது

உயிர்ப்பின் உந்துதலால் அது தனித்து எழுகிறது
வீழ்வது எழுவதெற்கேயாயினும் கை விட்டபாடில்லை

என்னுள் ஒருவன் எவன் அவன் என காணகிடைத்தேன்
காட்சி பிழையோ என என் நிழல் படைத்தேன்

குட்டியாய் இருந்தபோது கட்டிய குச்சியில் இன்றும் கட்டப்படும் யானை
போலன்றோ தட்டையாய் இருந்திருக்கிறேன் நிழலையும் காணாது

பற்றுதல் துறக்கும் நேரத்தில் படைப்பின் நோக்கம் தெரிகிறது
கைபற்றுதல் காண என் நெஞ்சம் அலைபாய்கிறது.

மரம் ஓய்வெடுக்க நினைத்தாலும்
காற்று விடுவதில்லை என மாசேதுங் சொன்னது இதைதானோ?

புயலால் இடம்பெயர்ந்த பறவைகள்

2012-01-24T00:32:00.000+05:30

கடலூர், ஜன. 22: "தானே' புயல் கடலூர் மாவட்டத்தில் லட்சக்கணக்கான வீடுகளைச் சிதைத்து,மக்களைப் புகலிடம் இன்றி தவிக்க விட்டதைப்போல், மரங்கள் அனைத்தையும்சிதைத்து பறவைகளுக்கும் பாதுகாப்பற்ற நிலையை உருவாக்கி விட்டது.

பறவைகளுக்கு புயல் நிவாரணம் வழங்க எந்த அரசால் முடியும்? எனவே அவை கடலூர் மாவட்டத்தை விட்டே இடம் பெயர்ந்து சென்றுவிட்டன." தானே'புயலில் கடலூர் மாவட்டத்தில் 3.5 லட்சம் வீடுகளுக்கு மேல் சேதம் அடைந்தன.வீடுகளின் கூரைகள் பலவும் காணாமல் போய்விட்டன. இதனால் லட்சக்கணக்கானமக்கள் புகலிடம் இன்றி தவித்தனர்.

அரசு புயல் நிவாரணம் வழங்கி,மக்களின் துயரத்தை ஓரளவேனும் துடைத்து இருக்கிறது. மரங்கள்தான்பறவைகளின் வாழ்விடங்கள். பகல் நேரங்களில் இரைத்தேடி வானில் சிறகடித்துஅங்கும் இங்கும் சுற்றித் திரிந்தாலும், இரவில் பாதுகாப்பு கருதியும்,கூடுகட்டி இனப்பெருக்கம் செய்யவும், ஏதேனும் மரக்கிளைகளைத்தான் அவை தஞ்சம்அடைகின்றன.

புயலில் கடலூர் மாவட்டத்தில் 2 கோடி மரங்களுக்கு மேல்சாய்ந்து விழுந்து, விறகாகி விட்டன. இதனால் பறவைகளின்புகலிடங்களும், புயலுக்குப் பலியாகி விட்டன. இந்நிலையில், "தானே' புயல்தாக்கத்தையும் தாங்கி, கிளைகளை இலைகளை இழந்து நிற்கும் சில மொட்டைமரங்கள்தான் இன்று, பறவைகளின் சரணாலயங்களாக மிஞ்சி நிற்கின்றன.

மொட்டைமரங்களில் பகலில் பறவைகளுக்கு நிழலும் இல்லை, இரவில் கடும் குளிரில்இருந்து பாதுகாப்பும் இல்லை என்ற நிலை ஏற்பட்டு உள்ளது.மொட்டைமரங்கள் எந்த அளவுக்கு பறவைகள் கூடுகட்ட வசதியாக இருக்கும் என்றுதெரியவில்லை. புயலில் கடலூரில் ஏராளமான பறவைகள் இறந்தும், கூடுகள்சிதைந்தும் இருக்கக் கூடும் என்றும், புயலுக்குப் பின் புகலிடம்இன்றியும், இனப்பெருக்கம் செய்வதற்கு வசதியாக கூடுகள் கட்ட மரங்கள்கிடைக்காமலும், பிற மாவட்டங்களுக்கு அவை இடம் பெயர்ந்து சென்றுவிட்டதாகவும் பறவை ஆர்வலர்கள் தெரிவிக்கிறார்கள்.

ஆனால் எந்தசூழ்நிலையிலும் வாழும் சக்தி கொண்ட காகங்களைத்தான் இப்போது மாவட்டத்தில்எங்கும் பார்க்க முடிகிறது. மற்ற பறவைகளை பெரும்பாலும் பார்க்க முடியவில்லை

நன்றி:தினமணி

தானே புயலும் கடலூர் மாவட்டமும்.

2012-01-21T10:36:00.000+05:30

அந்ததானேப் புயல் காற்றின் வேகம் இன்னும் சில கி.மீட்டர்கள் கூடி இருந்தால்...கடலூரே இருந்திருக்காது. மழையும் வெள்ளமும் இன்னும் கொஞ்சம்வலுத்திருந்தால், கடலுக்குள் போயிருக்கும் கடலூர். விபரீதங்களைக் கொஞ்சம்கூடுதலாகவே யோசித்தால்தான்... செயல் செய்தாக முடியும்!

கன்னியாகுமரியை இன்று தெற்கு என்கிறோம். ஆனால், குமரி மலையும்பஃறுளி ஆறும் அதையும் தாண்டி இருந்தது என்பதற்கு சிலப்பதிகாரக் குறிப்புஇருக்கிறது. அந்தக் கண்ணகி காதை அரங்கேறிய பூம்புகார், இப்போது கடலுக்குள்எங்கோ இருக்கிறது. தனுஷ்கோடி தரை இழந்துபோனது 50 ஆண்டுகளுக்கு முந்தையஇழப்பு. இப்போது அப்படி ஒரு நிலைக்குத் தள்ளப்பட்டு, தலை தப்பி நிற்கிறதுகடலூர்!

தென்பெண்ணை ஆற்றின் கரையில் 1,300 உயிர் அற்ற உடல்களை வரிசையாகப் புதைத்தசுனாமி கொடுமையை ஆறு ஆண்டுகளுக்கு முன் கண்ணீருடன் அனுபவித்த கடலூருக்கு,மீண்டும் இந்தச் சோகம். உயிர்ச் சேதங்கள் சுனாமியில் அதிகம். 'தானே’புயலில் பயிர்ச் சேதமே உச்சம். உயிர்ச் சேதம் அதிக அளவில் இல்லாததாலேயே'தானே’ தாண்டவத்தின் பேரழிவை யாரும் உணரவில்லை!

புதுச்சேரியில் இருந்து கடலூரை நோக்கிச் செல்ல... கிருமாம்பாக்கத்தைத்தொடும்போதே அழிவின் அடையாளங்கள் தெரிந்துவிடுகின்றன. புதுச்சேரியில்இருந்து விழுப்புரம்... சிதம்பரத்தில் இருந்து விக்கிரவாண்டி... இந்தப்பகுதிகளுக்கு இடைப்பட்ட கிராமங்களின் அனைத்துத் தோப்புகளிலும் காற்றின்தப்புத் தாளங்கள் நடந்து முடிந்துவிட்டன. டிசம்பர் 29-ம் தேதி நள்ளிரவு'செத்தோம்டா சாமி’ என்று முடக்கப்பட்டார்கள் நடுத்திட்டு, தியாகவல்லி,புலியூர், காடாம்புலியூர், பத்திரக்கோட்டை, புதுப்பாளையம் என்று வரிசையாகநீளும் ஏராளமான ஊர் மக்கள். ஆனால், அவர்களே இன்று 'செத்திருக்கலாமே சாமி’என்ற சோகத்தோடு நடைப் பிணமாகக் காட்சி தருகிறார்கள்!

முந்திரியும் பலாவும், வாழையும் கரும்பும், பருத்தியும் வரகும்,தேங்காயும் மாங்காயும், வெற்றிலையும் பூஞ்செடிகளும்... என எதைவிட்டுவைத்தார்கள் கடலூர் சுற்றுவாசிகள்? எல்லாவற்றையும் தந்தார்கள்.இங்கு மட்டும் அல்ல... தேசம் முழுமைக்கும். பெங்களூரு, மும்பை, கொல்கத்தா,ஆந்திரா வழியாகக் கடந்த ஆண்டு மட்டும் 1,000 லோடு பலா போயிருக்கிறது.கடலூர் முந்திரி போகாத நாடே இல்லை. கடந்த பருவத்தில் மட்டும் 20 கோடிக்குஏற்றுமதி செய்திருக்கிறார்கள். ''பண்ருட்டி பலானு இதுவரை நீங்க ருசிச்சதுஇனிமே கிடையாது சார்!'' என்கிறார் கீழமாம்பட்டுக்காரர்.

''20 வருஷமா முந்திரி ஏற்றுமதி செய்தவன் நான். இனி, என் மகன்கூட அதைச்செய்ய முடியாது. பேரன்தான் செய்ய முடியும்!'' என்று கலங்குகிறார்பத்திரக்கோட்டைக்காரர். அதாவது, கண்ணுக்கு எட்டிய தூரம் வரைக்கும்'எதிர்காலம் இல்லை’ என்ற கொடும் தண்டனை அந்த விவசாயிகளுக்குவிதிக்கப்பட்டுவிட்டது. இத்தனை ஆண்டுகள் பார்க்காத சோகம் இது!

நெல் பயிரிட்டு இருப்பார்கள். மழையும் வெள்ளமும் கூடுதலாகி, பயிரையேமூழ்கடித்து அழுகவைத்து, விவசாயியை அழவைக்கும். போட்ட முதலும் போய், வரவேண்டிய வருமானமும் இழந்து நிர்க்கதியாய் நிற்கும் விவசாயிக்கு அரசாங்கம்தரும் இழப்பீடு, கொஞ்சம் மூச்சுவிட வழி வகுக்கும். ஆறு மாதங்களில் அடுத்தபருவம் வரும். மீண்டும் நெல் பயிரிட்டு, விட்ட சந்தோஷத்தை எட்ட வாய்ப்புகிடைக்கும். டெல்டா மாவட்டங்கள் அடிக்கடி சந்திக்கும் அவலம் இது. ஆனால்,முந்திரியின் கதை அப்படி அல்ல!

முந்திரி வைத்தால் 5 ஆண்டுகள் கழித்துத்தான் பூ பிடிக்கும். 8 ஆண்டுகளில்மெள்ள வளரும். 15 ஆண்டுகள் கழித்துத்தான் ஒரு முந்திரி மரம் முழுவளர்ச்சியை எட்டும். பலா மரங்களுக்கும் இதே கதை தான். 20-30 ஆண்டுமரங்கள்தான் கொத்துக் கொத்தாகப் பலாப் பழங்களைக் கொடுக்கும். 'இது 40 வருஷமரங்க’, 'இது 75 வருஷ மரங்க...’ என்று காட்டுகிறார்கள். மாளிப்பட்டு என்றஇடத்தில் 100 வருஷ மரத்தைப் பார்த்தோம். ''எங்க அப்பாவுக்கு 88 வயசு. அவருசின்னப்பிள்ளையா இருக்கும்போதுதான் இந்த மரத்துல லேசா பூ விட்டுச்சாம்!''என்கிறார் விவசாயி கருணாகரன். இந்த மரத்தின் கொப்பும் கிளையும் காற்றால்ஒடித்து எறியப்பட்டு உள்ளது. இனி, ஒருவர் மரத்தை வைத்து... மூன்று தலைமுறைதாண்டி... பலா கொடுக்குமா?

பலா, முந்திரி மரப் பலகைகள் வாங்க ஒரு வாரம், பத்து நாள் என ஆட்கள்அலைவார்கள். எவ்வளவு பணம் கொடுத்தாலும் இந்த மக்கள் வெட்டித் தர மாட்டார்கள். இந்த நிலைமை அப்படியே மாறி விட்டது. வேரோடும் வேரடி மண்ணோடும்பிடுங்கிப்போட்ட மரங்களை... ஆசை ஆசையாக வளர்த்தவர்களே கட்டிங் மெஷின்வைத்து வெட்டும் காட்சிகளை அதிகமாகப் பார்க்க முடிகிறது. இந்த மரங்களைஎடுத்துச் செல்லவும் யாரும் தயாராக இல்லை. ''கும்பகோணத்துல ஒருத்தர்கேட்கிறாரு. நாங்கதான் கொண்டுபோய்க் கொடுக்கணுமாம். வண்டி வெச்சுக் கொண்டுபோற வசதி இல்லை. அதனால அப்படியே கிடக்கட்டும்னு போட்டுட்டோம்'' என்கி றார்மாளிப்பட்டுக்காரர்.

இந்த மரங்களை வெட்டி அப்புறப்படுத்தி, வேரை விலக்கி சுத்தப்படுத்தி...பலாவோ, முந்திரியோ வைக்க நிலத்தைத் தயார் ஆக்குவதற்கே ஒவ்வொருவிவசாயிக்கும் பல ஆயிரம் வேண்டும். கையில் கொஞ்சம் பணம் வைத்திருப்பவர்கள்மட்டுமே அதைச் செய்யத் தயார். மற்றவர்கள் விரக்தியின் உச்சத்தில்!''முந்திரியும் பலாவும் செழிக்க ஆரம்பிச்ச பிறகுதான், இந்த ஆளுங்கவட்டிக்குக் கடன் வாங்குற பழக்கத்தை விட்டாங்க. திரும்பவும் கடன்வாழ்க்கைக்கு கொண்டுவிட்ருச்சு தானே புயல்!'' என்று அழுகிறார்கள்.முந்திரியை ஒட்டித்தான் இவர்களது மொத்தப் பொருளாதாரமும் இருந்துள்ளது.'பொண்ணுக்கு மாப்பிள்ளை பார்க்கலயா?’ என்றால், 'முந்திரி உடைச்ச உடனேபார்த்திட வேண்டியதுதான்’ என்பதுதான் பெரும்பாலும் பதிலாக இருக் கும்!'ஹாஸ்டல் ஃபீஸ் கட்டணும்பா!’ என்ற மகனின் கோரிக்கைக்கும் முந்திரிதான்உடைபட வேண்டும். முந்திரியை மொத்தமாக எடுத்த பிறகு, கீழே விழுந்துகிடப்பதைஎடுக்க மாட்டார்கள். அதைப் பொறுக்குவதற்கு என்றே ஏழை மக்கள் ஏராளமாகக்கூடிவிடுவார்கள். இதைக் கடையில் போட்டாலே கணிசமான பணம் கிடைக்குமாம்.இதுக்கு 'தப்புக் கொட்டை பொறுக்குறது’ என்று பெயர். இனி, சாதாரணமக்களுக்கு மட்டும் அல்ல... பெரும் தோப்பு வைத்திருந்தவர்களுக்கு தப்புக்கொட்டைக்கும்கூட வழி இல்லை.

முந்திரி, பலா கொடுத்த பணச் செழிப்பு அந்தப் பகுதி மக்களின் பொருளாதாரமேம்பாட்டுக்குக் காரணமாக அமைந்தது. கடந்த பல ஆண்டுகளாக சமூக மோதல்கள்குறைந்ததற்குக்கூட அது காரணமாக இருக் கலாம். இப்போது அடைந்துள்ள வீழ்ச்சி,அதை நோக்கி மீண்டும் திரும்புவதாகவும் போய்விடக் கூடும். கடன், மேலும்கடன், வட்டி, அதீத வட்டி ஆகி மீள முடியாத நிதி நெருக்கடியை உருவாக்கும்.முதல் தலைமுறையாகப் படிக்க வந்த பிள்ளைகள், தங்களது எதிர்காலம்கேள்விக்குறி ஆகிவிடுமோ என்ற அச்சத் தில் இருக்கிறார்கள். பெண்களின் நிலைஇன்னமும் அச்சம் ஏற்படுத்துவதாக உள்ளது. எல்லாவற்றுக்கும் சர்வரோகநிவாரணியாக 'டாஸ்மாக்’ மாறி வருகிறதோ என்று யோசிக்க வைத்தன, இந்தக்கிராமங் களில் நாம் பார்த்த காட்சிகள். அரசாங்கம் கொடுத்த நிவாரணத்தொகை... கவலையை மறக்க மட்டுமே பயன்படுகிறது. வாழ்க்கையை நினைக்கநினைக்க... அவர்களுக்குப் பெரும் பயம் பிடித்துக்கொள்கிறது. திருமணங்கள்பல தடைபட்டு நிற்கின்றன. குத்தகைக்காரர்களிடம் முன்பணம் வாங்கிச் செலவுசெய்தவர்கள் முழி பிதுங்கி நிற்கிறார்கள்.

நிலத்தை நம்பிக் கடன் கொடுத்தவர்களால் கேட்கவும் முடியவில்லை... கேட்காமல்இருக்கவும் முடியவில்லை. கூரை வேயப் பணம் இல்லை. யாரிடமும் கேட்கவும்முடியவில்லை. மரங்களுக்கு இணையாக மின் கம்பங்களும் விழுந்து நொறுங்கியதால்மின்சாரம் இல்லவே இல்லை. 10 நாட்களாக இருட்டு வாழ்க்கை. குடிக்கத் தண்ணீர்இல்லை. மீனவர்களுக்குப் படகுகள் போய்விட்டன. சிறு விவசாயிகள் மாடு, ஆடு,கோழி இழந்து நிற்கிறார்கள். மொத்தத்தில் புயல் இன்னமும் கரையைக்கடக்கவில்லை; திருப்பித் திருப்பிப் போட்டு அடித்துக்கொண்டேஇருக்கப்போகிறது இன்னும் 20 ஆண்டுகளுக்கு!

நன்றி:விகடன் மற்றும் கடலூர் மாவட்ட செய்திகள்

தானே புயல் சேத விபரம்

2012-01-07T23:35:00.000+05:30

தானே புயலால் கடலூர் மாவட்டம் மிக மோசமாக பாதிக்கப்பட்டது. 15அமைச்சர்கள் கடலூர் மாவட்டத்தில் முகாமிட்டு நிவாரண பணிகளை கவனித்துவருகின்றனர். ஒவ்வொரு அமைச்சருக்கும் ஒவ்வொரு பகுதி ஒதுக்கப்பட்டுள்ளது.அங்கு முழுமையான இயல்பு வாழ்க்கை திரும்ப அனைத்து நடவடிக்கைகளையும்எடுத்து வருகின்றனர்.

கடலூர் மாவட்டத்தில் புயல் ஏற்படுத்திய சேதம் எதிர்பார்த்ததைவிட மிக அதிகமாக இருக்கும் என தெரியவந்துள்ளது. புயல் பாதித்ததுமே தகவல்தொடர்புகள் முற்றிலும் துண்டித்து விட்டதால் ஒவ்வொரு இடத்திலும் ஏற்பட்டபாதிப்புகள் உடனடியாக வெளியே தெரியவில்லை. இப்போது தான் முழுமையாக தகவல்தொடர்பு கிடைத்துள்ளன.

மின்சார துறையில் மட்டும் ரூ.1400 கோடி சேதம்ஏற்பட்டிருப்பதாக அமைச்சர் நத்தம் விசுவநாதன் கூறினார். அரசு துறை சேதம்மற்றும் தனிப்பட்ட நபர்களுக்கு ஏற்பட்டுள்ள சேதம் அனைத்தையும் கணக்கிட்டுபார்த்தால் கடலூர் மாவட்டத்தில் மட்டும் ரூ.10 ஆயிரம் கோடிக்கு மேல் சேதம்ஏற்பட்டு இருக்கலாம் என்று கருதப்படுகிறது. கிட்டத்தட்ட 60 சதவீதத் துக்குமேற்பட்ட மரங்கள் கீழே விழுந்துவிட்டன. இவற்றில் பல மரங்கள் நூற்றாண்டுகாலமாக இருந்தவை. எந்த புயலாக இருந்தாலும் புளிய மரம் தாங்கிக்கொள்ளும்என்று சொல்வார்கள். ஆனால் ராட்சத புளிய மரங்கள் கூட வேரோடு சாய்ந்துகிடக்கின்றன. முந்திரி, பலா, தென்னை மரங்கள் பெரும்பாலும்விழுந்துவிட்டது.

ஆங்காங்கே ஒருசில மரங்களை மட்டுமே காணமுடிகிறது. மாவட்டம்முழுவதும் கடலோர தாலுகாக்களை சேர்ந்த அனைத்து கிராமங்களிலும் குடிசைவீடுகளை காணவில்லை. அதே போல ஓட்டு வீடுகளும் முற்றிலுமாக சாய்ந்து விட்டன.காங்கிரீட் வீடுகளில் கூட ஜன்னல்கள், கதவுகள் போன்றவை பாதிக்கப்பட்டுள்ளன.

கடலூரில் சிப்காட் தொழிற்பேட்டையில் பெரும்பாலானதொழிற்சாலைகள் பலத்த சேதத்தை சந்தித்துள்ளன. இதேபோல மாவட்டத்தில் உள்ள 6ஆயிரத்துக்கும் மேற்பட்ட சிறு தொழில் நிறுவனங்களும் இயங்க முடியாதஅளவுக்கு பாதிப்படைந்துள்ளன. 2004-ம் ஆண்டு ஏற்பட்ட சுனாமியின் போதுகடலூர் மாவட்டத்தில் 2500 வீடுகள் சேதம் அடைந்திருந்தன. 950 கால்நடைகள்உயிரிழந்தன.

5 ஆயிரம் சிறுபடகுகள், 300 எந்திர படகுகள் பாதிக்கப்பட்டன.1200 ஹெக்டேர் விவசாய பயிர்கள் சேதமடைந்தன. ஆனால் புயல் பாதிப்பு இதை விடபல மடங்கு அதிகமாக உள்ளது. மாவட்டம் முழுவதும் 90 ஆயிரம் ஹெக்டேர் விவசாயபயிர்கள் அழிந்துள்ளன. 2 லட்சம் குடும்பங்கள் புயலால் பாதிக்கப்பட்டுள்ளன.

கடலூர் மாவட்டத்தில் விவசாயிகளின் முக்கிய வாழ்வாதாரமாகஇருந்த தென்னை, பலா, முந்திரி மரங்கள் நாசமாகி விட்டதால் விவசாயிகள்எதிர்காலமே கேள்விக்குறியாக உள்ளது. இதேபோல நெல் பயிர், கரும்புஆகியவையும் பலத்த சேதத்தை ஏற்படுத்தி உள்ளன. ஆனால் சுனாமியை விட தானேபுயலுக்கு உயிரிழப்பு குறைவாக இருந்தது.

எனவே பாதிப்பு பற்றிய விவரங்கள் வெளியிடங்களுக்கு அதிகமாகதெரியவில்லை. சுனாமி பாதித்த போது மாநிலம் முழுவதுமிருந்தும் மற்றும்வெளி மாவட்டங்களில் இருந்தும் ஏராளமான தொண்டு நிறுவனங்கள் உடனடியாககளமிறங்கி நிவாரண பணிகளில் ஈடுபட்டனர். ஆனால் இப்போது ஒரு சில தொண்டுநிறுவனங்கள் மட்டுமே நிவாரண பணிகளை செய்து வருகின்றனர்.

எனவே பாதிக்கப்பட்ட மக்களுக்கு உரிய உதவிகள் இன்னும்கிடைக்கவில்லை. அரசு கொடுக்கும் உதவிகள் மட்டும் ஆங்காங்கே கிடைத்துவருகிறது. தொண்டு நிறுவனங்கள் ஓரளவு உதவி செய்தால் தான் பாதிக்கப்பட்டமக்களுடைய வாழ்வு பழைய நிலைக்கு திரும்பும் நிலை இருக்கிறது. பெரும்பாலானகிராமங்களில் மக்கள் வீடுகளை இழந்து கட்டாந் தரையையே வீடாக பயன்படுத்திவருகின்றனர்.

ஓட்டு வீடுகளை சீரமைக்க ஓடுகளோ, அதற்கான மரங்களோகிடைக்கவில்லை. கடலூர் மாவட்டத்தில் பெரும்பாலும் கரும்பு சோகை, தென்னைஓலை வைத்தே குடிசை வீடுகளை அமைத்திருப்பார்கள். வீடுகளை மீண்டும் கட்ட இவைகூட கிடைக்கவில்லை. இதனால் மக்கள் பெரும் அவதிப்படுகிறார்கள். வீடுகளில்விழுந்த பல வீடுகளில் ராட்சத மரங்கள் விழுந்து கிடக்கின்றன.

அவற்றை அகற்றுவதற்கு ஜே.சி.பி. போன்ற எந்திரங்கள்வந்தால் தான் முடியும். அந்த எந்திரங்கள் கிடைக்காததால் மரங்கள் அப்படியேகிடக்கின்றன. புயல் காற்றின் போது மழையும் சேர்ந்து பெய்ததால் பலவீடுகளில் இருந்த பொருட்கள் முற்றிலும் சேதமடைந்துவிட்டன. இதனால்உடுத்துவதற்கு துணி இல்லாமலும், சாப்பிடுவதற்கு உணவு பொருட்கள் இல்லாமலும்பலர் அவதிப்படுகின்றனர்.

நன்றி:கடலூர் மாவட்ட செய்திகள்

நிலைகுலைந்த கடலூர் மாவட்டம்

2012-01-07T23:25:00.000+05:30

ஆந்திரா போய்விடும் என நினைத்த புயல் கடலூர் மாவட்டம் மற்றும் புதுவையில், மக்களின் வாழ்வாதாரங்களை துடைத்தெறிந்துவிட்டது. சாலையோர மரங்களிலிருந்து வீட்டின் மேல் வைத்த ப்ளாஸ்டிக் தண்ணீர் டேங் வரை காற்றில் பறந்துவிட்டபோது, குடிசை வீடுகளும், முக்கனி விளையும் மரங்களும், வயல்வெளிகளின் நெற்கதிர்களும் சாய்வது எம்மாந்திரம். ஈடுசெய்ய முடியாத இழப்பை இன்று நம் மாவட்டம் கண்டிருக்கிறது.

நெல்வயல்களுக்கு ஏக்கருக்கு 20,000 ரூபாயும், வாழை நிலங்களுக்கு ஏக்கருக்கு 30,000 ரூபாயும், கரும்புக்கு ஏக்கருக்கு 25,000 ரூபாயும், தென்னைக்கு ஏக்கருக்கு 10,000 யும் நிவாரணமாக வழங்க மக்கள் வேண்டுகோள் விடுக்கின்றனர். முந்திரி மற்றும் பலா விளைவிக்கவே இன்னும் 7 ஆண்டுகள் ஆகும் எனும்போது அவர்களுக்கு அரசு இதைவிட பெரியதாக ஏதாவது நிவாரணம் வழங்கினால்தான் அவர்கள் வாழவே முடியும். கடலூர் மாவட்டத்தை தேசிய பேரிடர் மாவட்டமாக அறிவித்து மாநில அரசும், மத்திய சர்காரும் நிதி வழங்கினால் மட்டுமே, மக்களின் வாழ்க்கை சராசரி நிலையை அடையும்.

இயற்கை நடத்திய கோரதாண்டவம் புகைபடங்களாக கடலூர்மாவட்ட செய்திகளில்

உடன் கட்டை ஏறியாவது உடனே வா

2011-12-27T01:06:00.002+05:30

பார் போற்றும் அரசன் நான், யாரும் எனக்கு நிகரில்லை-உன்
கார் மேக கூந்தலின் பரிசத்திற்கு நானே நிற்பானில்லை

அடங்கா காட்டு யானை நான், எனக்கு கடிவாளமில்லை எனினும்- உன்
ஒடுங்கிய தேகத்தின் நினைவுகள் எனை உட்கார செய்கின்றன

வெற்றி கொள்ள நான் வாளேடுத்து போருக்கு போகும்போது-உன்
நெற்றி முத்தம் என் வெற்றி திலகமாகிறது

அடைந்தால் வெற்றி இல்லை வீரமரணம் எனும்போதும்-உனை
அடைதல் எனை உயிர்பிக்க செய்கிறது

தலைகள் பல கொய்து போரில் முன்னேறி வரும் தருவாயிலும்-உன்
கலைகள் பல எனை கவிஞனாக்குகிறது

ரத்தம் சொறிந்த என் வீரவாள்-உன்னால்
நித்தம் எழுதுகோளாகிறது

சத்தம் இல்லாமல் எதிரியை எதிர்த்து முன்னேற போகும் தருவாயில்-உன்
முத்தம் ஞாபகம் வந்தது. ஆங்கே எல்லாம் முடிந்து போயிற்று

அச்சு முறிந்து என் தேர் வீழ்ந்து நானும் விழுகிறேன், இருந்தும்-உன்
உச்சந்தலை முகர்தல் எனை எழ செய்கிறது

முயற்சிகள் தோற்று, களைப்புகள் மேலோங்கும் நேரத்திலும்-உன்
கயல்விழி பார்வை எனை நிற்கசெய்கிறது.

செங்கோல் ஊன்றி மாட்சி செய்த என்னால் இன்று
செங்குத்தாய் நிற்க கூட முடியவில்லை

ஆரிய வாள்கள் என் உடலை கிழிக்கும்போதும் -உன்
கூரிய நகங்களின் கீறல்கள்தான் நினைவுக்கு வந்தது

சாம்ராஜ்யங்களை கட்டி ஆண்ட மன்னன்-உன்னால்
சதுரங்கத்தில் வீழ்கிறேன்

தோல்வி முகத்தை என் முகமூடியாய் மாட்டுகிறேன்-உன்
தோல் சாய்ந்து கதறி அழ நினைக்கிறேன்

என் இறக்கும் தருவாய் என்பது-உன்
பிறக்கும் தருவாயில் எழுதபட்டதாகிவிட்டது

வேட்டையாட முப்படைகள் எனை சூழ்கின்றன-உன்
அப்பழுக்கழுகில்லா முகம் கடைசியாய் நினைவுக்கு

வெற்றியை மட்டுமே பார்த்த நான் இறுதியிலும்
வெற்றியைதான் பார்க்கின்றேன் உன் முகமாய்

முன் நல்லிரவில் உயிர் காற்றில் கலக்கிறது-உனை
முன்னே வரவேற்க அது தயாராகிறது

பெரும் தோட்டமும், நீர் வீழ்ச்சியும் இங்கே எனக்கே உரித்தாவன- என்
பிறவிப் பயன் என அது எனக்கு கொணரப்பட்டது

நீ இல்லாமல் என் பிறவிப்பயன் அடைதல் ஆகாது பெண்ணே
உடன்கட்டை ஏறியாவது உடனே வா

முருகுமாறன்-மனுநீதி அரசன் ஆவாரா?

2011-12-22T00:19:00.000+05:30

முதல் கோணல் முற்றிலும் கோணல், ஐந்தில் வளையாதது ஐம்பது வளையுமா என்று சொன்னவர்கள்தான் தோல்விதான் வெற்றிக்கு முதற்படி என்றும் சொன்னார்கள். வாய்சொல் வித்தகர்களான நம் முன்னோர்கள், முதல் இரண்டை எதுகை மோனைக்காக சொல்லி இருந்தாலும் மூன்றாமதை புறந்தள்ளமுடியாது. நாம் ஏறப்போகும் வெற்றி கட்டிடம் எத்தனை படி இருந்தாலும் முதலில் நாம் நம் காலை அதில் பதிக்கவேண்டும்(We have to dip our toes). நாம் கடந்தது பல்லாயிரத்தில் ஒற்றை இலக்கை கூட தாண்டாது எனும்போதும், நம் பயணம் அங்கு தொடங்கபடவேண்டும் அப்பொழுதுதான் நம் விதி நம்மை உச்சியில் போய் சேர்க்கும். Kung Fu panda வில் furious five யில் யார் Kung Fu warrior என பார்க்க ஆசைப்படும் PO, விதியின் வலியால் தானே kung fu warrior ஆகப்போவதற்கு கூட We'll bring you back a souvenir, என முந்தி செல்பவர் கூறும்போதுகூட No. I'll bring me back a souvenir என சொல்ல வேண்டியிருக்கிறது.

ஆக நம்ம ஊர் எம்.எல்.ஏ social networking உலகிக்குள் காலடியை வைத்துவிட்டார் என்பதைதான் இதனால் இங்கு சொல்லக்கடவுவது. Face book யில் கோரிக்கை அனுப்புங்கள் அதை நிவர்த்தி செய்கிறேன் என்று சொன்ன நீர் வாழ்க, நின் குலம் வாழ்க, நின் அரசவை வாழ்க.

காட்டுமன்னார்கோயில் ஆக்கிரமிப்பு அகற்றப்பட்டது

2011-12-20T20:15:00.002+05:30

காட்டுமன்னார்கோவிலில் நீதிபதியின் நடவடிக்கையால் போலீஸ் பாதுகாப்புடன் ஆக்கிரமிப்புகள் அகற்றும் பணி வெள்ளிக்கிழமை நடைபெற்றது.காட்டுமன்னார்கோவில்பேரூராட்சிக்குட்பட்ட கடைவீதி, கச்சேரிரோடு, செட்டித்தெரு,ரெட்டியார்ரோடு, பஸ் நிலையம் செல்லும் சாலை உள்ளிட்ட அனைத்துப்பகுதிகளிலும் சாலையோரக் கடைகள் மற்றும் ஆக்கிரமிப்புகள் அதிகமாக இருந்துவருவதால் மிகுந்த போக்குவரத்து நெருக்கடி உள்ளது.

இது குறித்துபத்திரிகைகளில் வந்த செய்தியை அடுத்து, காட்டுமன்னார்கோவில் குற்றவியல்நடுவர் மன்ற நீதிபதி ராஜ்மோகன் வழக்காக பதிவு செய்து ஆக்கிரமிப்புகளைஅகற்றுமாறு வட்டாட்சியர் மற்றும் போலீஸ் இன்ஸ்பெக்டருக்கும் நோட்டீஸ்அனுப்பினார்.ஆனால் இது குறித்து இருவரும் நடவடிக்கை எடுக்காததால்நீதிமன்ற அவமதிப்பாக கருதி நீதிபதி ராஜ்மோகன் கடலூர் மாவட்ட ஆட்சியர்மற்றும் காவல் கண்காணிப்பாளர் ஆகியோருக்கு நோட்டீஸ் பிறப்பித்துள்ளார்.இதைஅடுத்து மாவட்ட ஆட்சியர் வே.அமுதவல்லி உத்தரவின்பேரில்காட்டுமன்னார்கோவில் பகுதியில் வெள்ளிக்கிழமை ஆக்கிரமிப்புகள் அகற்றும்பணி தொடங்கியது.

கடைத் தெருவில் சில வியாபாரிகள் தாங்களாகவே முன்வந்துஆக்கிரமிப்புகளை அகற்றினர்.மேலும் பொக்லைன் வரவழைக்கப்பட்டு நிரந்தர ஆக்கிரமிப்புகள் போலீஸ் பாதுகாப்புடன் அகற்றப்பட்டன.காட்டுமன்னார்கோவில்பகுதியில் உள்ள மெட்ரிக் பள்ளிகளில் கூடுதல் கல்விக் கட்டணம் வசூலிப்பதுகுறித்து ஆய்வு நடத்தி நடவடிக்கை எடுக்க இதே நீதிபதி மாவட்ட முதன்மைக்கல்வி அலுவலருக்கு நோட்டீல் அனுப்பியது.

நன்றி:தினமணி

நீதிபதி ராஜ்மோகன் அவர்களின் பணி தொடர வாழ்த்துக்கள்.

கிரேஸ் கல்வி அறக்கட்டளைக்கு விருது

2011-12-20T17:35:00.000+05:30

காட்டுமன்னார்கோவில் வட்டம், குமராட்சி ஒன்றியம், ம.கொத்தங்குடியில்கிரேஸ் கல்வி அறக்கட்டளை அமைப்பை நடத்தி வரும் அதன் இயக்குநர்கே.குணபாலனுக்கு சிறந்த சமூக சேவைக்காக 2011-ம் ஆண்டுக்கான தேசிய விருதைஇன்டர்நேஷனல் டெவலப்மெண்ட் கன்சல்டன்சி மற்றும் ரிசர்ச் பவுண்டேஷன்நிறுவனம் வழங்கி கெüரவித்துள்ளது. கோவையில் அண்மையில் நடைபெற்ற விழாவில்,பெங்களூர் என்.ஐ.சி. கல்லூரி இயக்குநர் சாம்சன் இவ்விருதை வழங்கினார்.

நன்றி:கடலூர் ரா.கார்த்திகேயன், http://cuddalore-news.blogspot.com

Investors Welcome

2011-12-16T00:54:00.000+05:30

தனக்கு பிடித்த எந்த கதையையும் 3 மாதங்களில் செல்லுலாய்டில் பார்க்க ஆசைப்படுபவர் இயக்குனர் ராம்கோபால் வர்மா. அது சக்ஸஸ் ஆகும் என அறியும் அவரின் எண்ண ஓட்டங்கள் அதில் அவரை வெற்றி பெற செய்திருக்கின்றன. தோல்விகள் அதில் சொற்பமே. இரண்டின் ஆவரேஜில் பார்த்தால் இப்பொழுது அவர் இந்தியா போற்றும் வெற்றி இயக்குர், தயாரிப்பாளர்.

வெற்றியை அடைய ஹார்ட் வொர்க் என்பதை விட ஸ்மார்ட் வொர்க்தான் தேவை என கருதுபவன் நான். தளங்களின் RSS Aggregator களை டைம்லைனில் ரீடரில் படிப்பதை, கொஞ்சம் மாற்றி அமைத்து Twitter ஆக ஆரம்பித்த pyra labs யின் ஸ்மார்ட் வொர்க் என்னை வியக்க வைத்தது. இன்றளவும் iphone யின் விருப்ப தேர்வாகி இருக்கின்ற instagram, டாப் டென்னில் இருக்ககூடிய Angry bird எல்லாம் அன்றாட புழக்கத்தில் இருக்கக்கூடியவையே. கொஞ்சம் மெருகேற்றி கொடுத்தால் சந்தையில் விலைபோகும் என்பதற்கு இதுவே சாட்சி.

நீட்டி முழக்காமல் விஷயத்திற்கு வருவமேயானால் தற்போது இந்தியாவில் Bidding சைட் நன்றாக வொர்க்அவுட் ஆகிறது என்பதை சில விஷயங்கள் எனக்கு புரியவைத்தது. ஐடியா கிடைத்தால் capital venture களை நாடி நாம் செல்லமுடியாது. ஏனென்றால் அதற்கான அடிமை சாசனத்தை அவர்கள் நம்மிடம் எழுதிவாங்கிவிடுவார்கள். capital உள்ளவர்களை நாம் அடையாளம் காண்பதுதான் இந்த போஸ்டின் நோக்கம்.

கான்செப்ட் ஒன்றும் கம்பசூத்திரம் இல்லை, ஏற்கனவே ebay auction யில் பார்த்ததுதான். என்ன ஒன்று, இதில் third party vendor ஐ சேர்க்காமல் நாமே நேரடியாக ஆக்ஷ்ன் செய்யலாம், அதுவும் ஒரு துறை சார்ந்த பொருளாக, வெர்டிக்கலாக. குரூப் பையிங் விஸ்வரூப வளர்ச்சிக்கு முன்னால் இது என்ன பெரியதாக சாதிக்க முடியும் என நீங்கள் நினைக்கலாம். ஆனால் group buying சைட்டுகள் காணும் அசுரவளர்ச்சி விற்பனையை அதிகரிக்கும் அதே நேரத்தில், விற்பனையாளர்கள் தங்களின் கைக்காசை இழப்பதும், கஸ்டமர்கள் நடத்தப்படும் விதம் அவர்களை consumer complaints forum த்தில் எழுத வைப்பதுவுமாக இருக்கிறது. இதன் முதல் அறிகுறியாக பிரபல டீலீங் சைட் சமீபத்தில் மூடப்பட்டது. அதனால் இனி குரூப் பையிங்->நத்திங்

விழுந்தால் வீட்டிற்கு, விழாவிட்டால் நாட்டிற்கு கான்செட் கன்வென்ஷனாக இருந்தாலும், எப்பொழுதும் கேட்சிதான். ஏலம் கேட்கும்போதெல்லாம் அவரின் கேஷ் பேக்கேஜில் இருந்து தொகை எடுக்கப்படும், இதேபோல் அனைவரும் பங்கேற்று அசலுக்கு தாங்கும் என்றவுடன் கவுண்டவுண் ஸ்டார்ட் ஆகும். முடியும் தருவாயில் கேட்ட கடைசி ஆள் பரிசை தட்டி செல்ல இந்த கான்செப்ட முடியும்.

இது பணம் படைத்தவர்கள் ஆடும் சூதாட்டம் என நீங்கள் நினைத்தாலும் இது அதுவல்ல. கஸ்டமர்களை கவர நாம் ஆரம்பிக்கும் இந்த விளையாட்டு அவர்களின் எதிர்காலத்தையே மாற்றி அமைக்கும். எப்படி என்கிறீர்களா? அதை நேரடியாக விவாதிப்போம்.

Mohamed Kamil T

mohamed2k@gmail.com

RIP AdobeFlex

2011-12-15T23:37:00.000+05:30

Flex developer களை நட்டாற்றில் விட்டுவிட்டு ஓடியே போய்விட்டது அடோப். அடோப் ப்ளெக்ஸ் இனி அப்பாச்சி ப்ளெக்ஸ். Open Source ஆன flex sdk வை தன்னுடைய பணம் செலவழித்து develop செய்ய விரும்பாத அடோப் தற்போது அதை அப்பாச்சிக்கு தாரை வார்த்துள்ளது. அமேசானும், மோட்டரோலாவும் ப்ளாஷ் ப்ளேயரை தங்களுடைய முக்கிய feature ஆக ஆக்கி தத்தமது டேப்ளட்டுகளை விற்கும் நேரத்தில், adobe தன்னுடைய மொபைல் flash player மற்றும் flex sdk development களை கைவிட்டிருக்கிறது. அதேநேரத்தில் flash builder ஐ டெவலப் செய்வது தொடரும் என அறிவித்து இருக்கிறது.

ios இல்லை, ஆண்டிராய்டுதான் எல்லாம் என முடிவுக்கு வந்த அடோப், comptibility issue க்கு, சாப்ட்வேருக்காக கூகுளையும், ஹார்டுவேருக்காக போன் கம்பெனிகளையும், ப்ராசசருக்காக சிப் கம்பெனிகளிடமும் அலைய வேண்டி இருந்தது. கூகுள் ஆண்டிராய்டு தாங்கி வரும் எல்லா கம்பெனிகளையும் கவனிப்பது வேலைக்கு ஆகாது என கடைசியில் உணர்ந்தவர்கள் Flashplayer ஐ மொபைலில் இருந்து தூக்க முடிவு செய்தார்கள்.

வெப் டெவலப்மென்ட் மற்றும் மொபைல், டேப்ளட்களுக்காக ஆரம்பிக்கபட்ட Flex ஐ வேறுவழியின்றி அவர்கள் இழக்கவேண்டியிருந்தது. Flashplayer 11 ஹார்டுவேர் acceleration ஐ கொண்டு இயக்க வல்லது அதனால் அதற்கு gpu போதும், CPU வை dry செய்யாது என அறிவிக்கும் நேரத்தில் இந்த அறிவிப்பும் வந்திருப்பது மிகவும் துரதிஷ்வசமானது.

ஸ்டீவ் ஜாப்ஸ் flash player க்கு iphone யில் வேலை இல்லை என துரத்தி அடிக்கும்போதே, work around ஆக cross compiler ஐ கொண்டு வந்தவர்கள் ஆயிற்றே
, இப்பொழுது phonegap ஐ acquire செய்து அப்பாச்சிக்கு கொடுத்திருக்கிறார்கள். இனி html5 தான் எல்லாம் என நேரத்திற்கேற்ப மாறிகொள்ளும் அடோப் இப்பொழுது அதற்கான builder களை தயார்செய்து கொண்டிருக்கிறார்கள். 4 வருடமாக அவர்களின் டெக்னாலாஜியை உபயோகித்தவர்களுக்கு அவர்கள் காட்டும் விசுவாசம் இதுதான்.

ப்ளாஷ்ப்ளேயரை ஓப்பன் சோர்ஸ் ஆக்குங்கள் என எல்லாரும் குரல்கொடுக்கும் போதெல்லாம் H.264 video codec ஐ தாங்கள் பல மில்லியன் டாலர்கள் லைசன்ஸ் தொகையாக வருடா வருடம் செலவழிக்கின்றோம் என சொல்லி அடோப் எல்லார் வாயையும் அடைக்கும் அதே நேரத்தில், கூகுள் குரோம் தாங்கள் அந்த பார்மெட்டை சப்போர்ட் செய்யபோவதில்லை என அறிவித்து இருந்தார்கள். ஏனென்றால் அவர்கள் அந்த லைசன்ஸ் வாங்கிய flashplayer ஐ குரோமுடன் integerate செய்து இருக்கிறார்கள். Flashplayer ஐ தங்கள் மொபைலும், டேப்ளலட்டுகளும் இயக்க வல்லது என விளம்பரம் செய்து மற்ற மார்க்கெட் லீடர்களை கவிழ்க்க சதி செய்யும் அதே நேரத்தில், flash ஐயும் வளர்த்துவிட்டது போல் ஆனது என எண்ணிய கூகுளுக்கு இப்பொழுது திருடனுக்கு தேள் கொட்டிய கதைதான்.

mouse cursor யின் செயல்பாடுகளுக்கு ஏற்றதாய் படைக்கப்பட்டதுதான் flash player அது touch gesture களுக்கு சரியாகாது என சொன்ன ஸ்டீவ் ஜாப்ஸ் பக்கமே வெட்கமேயில்லாமல் சாய்ந்திருக்கும் அடோபை நினைத்து சிரிப்பதா, இல்லை Blackberry playbook க்கு இவர்களுடைய AIR ஐ ஒரு sdk வாக உபயோயிக்க சொன்ன blackberry ஐ நினைத்து அழுவதா?

PDF யும், Photoshop யும், Flash டைம்லையும் நம்பி இருக்கும் ஒரு டிஜிட்டல் கன்டென்ட், டிசைனர் கம்பெனியை டெவலப்பர்கள் நம்பியது மிகபெரிய தவறு. இதை நம்பி கோடிகளை இரைத்த கார்ப்பரேட்டுகளே பெரிதாக எடுத்துகொள்ளவில்லை எனும்போது, அதில் வேலை செய்யும் ஜீன்ஸ் போட்ட கூலிகள் நினைத்து என்ன ஆக போகிறது. சரிதானே?

Well, I'm Back

2011-12-15T19:55:00.000+05:30

4 மாத இடைவெளிக்கு பிறகு ஆனந்த தொல்லை மீண்டும் ஆரம்பம்....

2011-08-12T12:15:00.002+05:30

நன்றி குசும்பு

சமச்சீர் கல்வின்ன இன்னாப்பா?

2011-08-06T13:37:00.000+05:30

All about முருகுமாறன்

2011-08-06T13:04:00.000+05:30

தொகுதி: காட்டுமன்னார்கோவில் (தனி) சட்டமன்றத் தொகுதி
கட்சி : அ.தி.மு.க.
பெயர் : என்.முருகுமாறன்
வயது : 40
கல்வி : பி.எஸ்சி. விவசாயம்,பி.எல்.
சொந்த ஊர் : காட்டுமன்னார்கோவில்
தொழில் : முன்னாள் அரசு ஊழியர்
சமூகம் : ஆதிதிராவிடர்
கட்சிப் பொறுப்பு : கடலூர் (மேற்கு) மாவட்ட துணைச் செயலாளர்
குடும்பம் : மனைவி- நளினி,மகன்கள்- ஜெயமுகில்வண்ணன், ஜெயமணிமாறன்

நன்றி:http://aaeibfa.dowsport.com/

Arivuraja Thangavelu

மின்தடை நேரம் மாற்றம்

2011-08-01T15:38:00.000+05:30

சிதம்பரம் கோட்டத்துக்கு உட்பட்ட கீழ்கண்ட பகுதிகளில் 2 மணி நேரம் மின்நிறுத்தம் செய்யப்படும் நேரம் ஆகஸ்ட் 1-ம் தேதி முதல் கீழ்கண்டவாறு மாற்றம் செய்யப்பட்டுள்ளது என செயற்பொறியாளர் இரா.செல்வசேகர் தெரிவித்துள்ளார்.

சிதம்பரம் நகரம் நடராஜா மின்னூட்டி மூலம் மின்சாரம் பெறும் பகுதிகள்- காலை 8 மணி முதல் 10 மணி வரை, டூரிஸம் மின்னூட்டி மூலம் மின்சாரம் பெறும் பகுதிகள்- மதியம் 12 மணி முதல் 2 மணி வரை, அண்ணாமலைநகர், மாரியப்பாநகர் மற்றும் அதை சுற்றியுள்ள பகுதிகள்- மதியம் 4 மணி முதல் 6 மணி வரை, அம்மாபேட்டை, மணலூர், வண்டிகேட் மற்றும் அதை சுற்றியுள்ள பகுதிகள்- காலை 10 மணி முதல் 12 மணி வரை, காட்டுமன்னார்கோவில் நகரம், லால்பேட்டை மற்றும் அதை சுற்றியுள்ள பகுதிகள்- காலை 8 மணி முதல் 10 மணி வரை, புவனகிரி, கீரப்பாளையம், பரங்கிப்பேட்டை, பு.முட்லூர், ஸ்ரீமுஷ்ணம், சேத்தியாத்தோப்பு நகரம் மற்றும் அதை சுற்றியுள்ள பகுதிகள்- மதியம் 2 மணி முதல் 4 மணி வரை.

நன்றி:தினமணி

மிட் நைட் ஹாரர் டேல்ஸ்

2011-07-27T17:58:00.001+05:30

உண்மை சம்பவங்களை அடிப்படையாக கொண்டு எடுக்கப்படும் A haunting நிகழ்ச்சி டிஸ்கவரில் பார்க்க நேர்ந்தது. தாய்வான் நாட்டின் மலைபிரதேசத்தில் கட்டப்பட்ட ஒரு பங்களாவிற்கு தங்கவரும் ஓர் மேலைநாட்டு குடும்பம் அமானுஷ்ய சக்திகளின் தொந்தரவால் வீட்டையே காலிசெய்ய வேண்டிய நிலைக்கு தள்ளப்படும் அவலநிலையை பார்த்தபோது சிரிப்புதான் வந்தது. ஸ்தூபி வடிவத்திலான தூண்களால் கட்டப்படும் வீடுகள் துஷ்டதேவதைகளின் இருப்பிடமாக இருக்கும் என்பது தாய்வான் மக்களின் எண்ணம் என்பதும், அவ்வீடு கட்டபடுவதற்கு முன்னால் அங்கு இருந்த பண்ணை திடீரென்று எரிந்ததால் அங்கு இருந்த இருவர் தீக்கிரையாகி இறந்தனர் என்பதும்தான் அங்கு பேய்கள் இருக்கின்றன என்பதற்கு சொல்லப்படும் முக்கிய காரணங்கள். பேய்களை ஓட்டுவதற்கு களமிறங்கும் பாதிரியார் வீட்டின் ஒவ்வொரு மூலையில் நின்றும் ஜெபிக்கும்போது அங்கு மின்விளக்குகள் அணைந்து மீண்டும் எரிகிறது. பகுத்தறிவு கொண்டு இதை மறுக்கமுயன்றாலும் தன்னால் அது இயலவில்லை என்று நேரில்கண்ட அந்த பெண்மனி கூறுகிறார். தன் மந்திரத்தால்? அப்பேய்களை கட்டிப்போடும் மதகுரு இரண்டுமாதங்களில் இந்த வீட்டை காலிசெய்துவிடும்படி எச்சரித்து சீனர்களின் ஸ்வஸ்திக் சின்னத்தை வீட்டின் முன்பகுதியில் தொங்கவிட்டுவிட்டு தன்னுடைய பேட்டாவை வாங்கிகொண்டு நடைகட்டுகிறார். நிகழ்ச்சி முடிகிறது.

செவ்வாயில் தண்ணீர் இருக்கிறதா என்ற ஆராய்ச்சியை காட்டும் டிஸ்கவரி சேனல்தான், பேய் இருக்கிறதா என்ற நிகழ்ச்சியையும் காட்டுகிறது. மக்களின் அறிவை மேம்படுத்தும் அதேவேளையில், அவர்களின் பகுத்தறிவை மழுங்கடிக்கும் வேலையிலும் அது இறங்கியிருக்கிறது. மிட் நைட் மசாலாவை போல் மிட் நைட் ஹாரர் டேல்ஸ் எந்த புண்ணியவான் மண்டையில் உதித்ததோ.ஆனா இது இந்தியாவுக்கு ஏத்த எள்ளுருண்டை ;)

புவிஈர்ப்பு விசையை கண்டுபிடித்த நியூட்டனும், அதன் எதிர்விசையை கண்டுபிடித்த? நித்தியும் பிறந்த இப்பூவுலகில் வாழும் ஒவ்வொரு சராசரி மனிதனும் இதையெல்லாம் பொறுத்துகொள்ளதான் வேண்டும்.

ப்ளஸ்

2011-07-02T14:49:00.003+05:30

நன்றி:http://tamiltoon.blogspot.com/

கீழணையிலிருந்து பாசனத்துக்கு நீர் திறப்பு

2011-06-30T12:07:00.000+05:30

சிதம்பரம், ஜூன் 29: காட்டுமன்னார்கோவில் அருகே அணைக்கரையில் உள்ள கீழணையிலிருந்து கடலூர் மாவட்ட காவிரி டெல்டா பாசனத்துக்கு புதன்கிழமை நீர் திறந்து விடப்பட்டது.

கீழணை பாசன தலைப்பிலிருந்து வடவாறு, வடக்குராஜன் வாய்க்கால், தெற்குராஜன் வாய்க்கால் ஆகியவற்றில் பாசனத்திற்கு நீர் திறந்து விடப்பட்டது. இதன் மூலம் கடலூர் மாவட்டத்தில் 1 லட்சத்து 2 ஆயிரம் ஏக்கர் நிலங்களும், நாகை மாவட்டத்தில் 22 ஆயிரத்து 408 ஏக்கர் நிலங்களும், தஞ்சை மாவட்டத்தில் 1,581 ஏக்கர் நிலங்களும் பாசனம் பெறும்.

இந் நிகழ்ச்சியில் தமிழக சிறப்பு திட்ட அமலாக்கத் துறை அமைச்சர் எம்.சி.சம்பத், சமூக நலத்துறை அமைச்சர் செல்விராமஜெயம் ஆகியோர் பங்கேற்று நீரை திறந்துவிட்டனர்.

நிகழ்ச்சிக்கு கடலூர் ஆட்சியர் வே.அமுதவல்லி தலைமை வகித்தார்.விழாவில், காட்டுமன்னார்கோவில் சட்டப் பேரவை உறுப்பினர் நாக.முருகுமாறன், கடலூர் மாவட்ட பொதுப்பணித் துறை கண்காணிப்பு பொறியாளர் ஹெச்.ஜே.நஞ்சன், கொள்ளிடம் வடநில கோட்ட செயற்பொறியாளர் எஸ்.செல்வராஜ், விவசாய சங்கத் தலைவர்கள் பி.ரவீந்திரன், கே.வி.இளங்கீரன், விஜயகுமார், ரங்கநாயகி, சி.ஆறுமுகம் உள்ளிட்டோர் பங்கேற்றனர்.

பின்னர் அமைச்சர் எம்.சி.சம்பத் நிருபர்களிடையே தெரிவித்தது:

காவிரி டெல்டா விவசாயிகள் நலன் கருதியும், அவர்கள் பயன்பெறும் வகையில் வரலாற்று சாதனையாக இந்த ஆண்டு முன்கூட்டியே முதல்வர் நீரை திறக்க உத்தரவிட்டார். மேட்டூரிலிருந்து முன்கூட்டியே நீர் திறந்து விடப்பட்டது. ஒவ்வொரு ஆண்டும் கடலூர் மாவட்ட பாசனத்துக்கு ஆகஸ்டு மாதம்தான் தண்ணீர் திறக்கப்படும். ஆனால் இந்த ஆண்டு கீழணையிலிருந்து கடலூர், நாகை, தஞ்சை மாவட்ட விவசாயிகள் பயன்பெறும் வகையில் வடவாற்றில் 350 கனஅடியும், வடக்குராஜன் வாய்க்காலில் 150 கன அடியும், தெற்குராஜன் வாய்க்காலில் 275 கன அடியும், குமிக்கி மண்ணியாற்றில் 14 கனஅடியும் நீர் திறந்துவிடப்பட்டுள்ளது என்றார்.குறைந்தளவே நீர்: கல்லணையிலிருந்து கீழணைக்கு குறைந்த அளவான 1002 கனஅடி நீர்தான் திறந்துவிடப்பட்டுள்ளது என விவசாயிகள் அமைச்சரிடம் முறையிட்டனர். நீர்வரத்தை பொறுத்து படிபடியாக கூடுதலாக நீர் திறக்கப்படும் என அமைச்சர் எம்.சி.சம்பத் தெரிவித்தார்.

தற்போது கீழணையில் 3.50 அடிதான் நீர் தான் உள்ளது. கீழணையின் மொத்தக் கொள்ளளவு 9 அடியாகும். எனவே கல்லணையிலிருந்து கீழணைக்கு கூடுதல் நீரை திறந்துவிட வேண்டும் என விவசாயிகள் கோரிக்கை விடுத்துள்ளனர்.

நன்றி:தினமணி

அவன் இவன்

2011-06-21T22:22:00.001+05:30

கடலுக்கு மீன் பிடிக்க போனவனும், கைவரிசை காட்டி செயின் பறிக்க போனவனும் வீட்டுக்கு திரும்புவது எப்பொழுதுமே சவால்தான். அதனால்தான் திருடபோவதற்கு முன்னர் ஆடு வெட்டி படையல் போட்டு குலசாமிக்கு காணிக்கை செலுத்தும் கிராமங்கள் தமிழ்நாட்டில் ஒரு காலத்தில் இருந்தன, அது இப்பொழுதும் அப்படியே இருக்கின்றனவா என்பது தெரியாது. ஆனால் அவர்களும் ஒரு professional ethics? ஐ பாலோ பண்ணிதான் தங்கள் தொழிலை செய்தார்கள். அதாவது, சொந்த மாநிலத்தில் அவர்கள் தங்கள் கைவரிசையை காட்டுவது இல்லை, யாரையும் துன்புறுத்துவது இல்லை, என்று பல இத்தியாதிகள். திருட்டு தொழிலை அவர்களே மறந்தாலும் அவர்களை உசுப்பிவிடும் வேலைகளை திறன்பட செய்திருக்கிறது அவன் இவன் திரைப்படம்.

தெரிஞ்ச தொழிலை விட்டவன் கெட்டான் என்ற பழையமொழியை பாலோ செய்யும் ஆர்யா, தெரியாத தொழிலில்(நடிப்பு) பிரகாசிக்க நினைக்கும் விஷால், ஒரு மொட்டை(படத்தில் அப்படிதான் அந்த சின்ன பையன் அழைக்கிறான்)கமுதிகோட்டை ஜமீன் இடையில் கதையை சொல்லியிருக்கிறார் கதை சொல்லி பாலா.

கதை என்பதை விட கலாய்தல் என்று சொல்லலாம். மூவரும் அவர்களுக்குள் நன்றாக கலாய்த்து கொள்கிறார்கள். போதாகுறைக்கு அவர்கள் அம்மாகளும். துண்டு பீடியிலிருந்து, கட்டிங் சரக்குவரை partnership போட்டு அம்மாகளும் மகன்களும் குத்தாட்டம் போடுகிறார்கள். இப்படியான அறநெறி குடும்பத்தில் தங்களை இணைத்துகொள்ள இரண்டு இளம் யுவதிகள் விஷாலிடமும், ஆர்யாவிடமும் காதல்வயப்படுகிறார்கள். காதல் ஜெயித்ததா, இல்லையா என வெள்ளி திரையில் பாருங்கள் என சொல்லும் அளவுக்கு காதலும் இல்லை, கூடலும் இல்லை. ரிட்டன் பை பாலா என டைட்டில் கார்டு போடுவதற்கு ஒரு மாட்டு புரோக்கரை வில்லனாக காட்டி(ஆர்.கே பேசவேயில்லை), அவன் மூலம் ஜமீனை அம்மணமாக்கி மரத்தில் தொங்கவிடுகிறார். பின்னர் பழிவாங்கும் படலம், எரிந்துபோகும் சடலம், என படம் முடிகிறது. ஆர்.கே ஏன் ஜமீனை பழிவாங்குகிறார் என சஸ்பென்சான விஷயத்தை வெள்ளிதிரையில் பாருங்கள்.

யான் பெற்ற இன்பம் பெறுக இவ்வையகம் :)))

வீராணம் ஏரிக்கு தண்ணீர் திறப்பு

2011-06-19T14:33:00.001+05:30

தினமணி செய்தி எதிரொலியாக கீழணையிலிருந்து வடவாற்றில் தேக்கி வைக்கப்பட்ட நீர் பொதுப்பணித்துறையினரால் வீராணம் ஏரிக்கு சனிக்கிழமை காலை திறந்துவிடப்பட்டது. "குறுவை சாகுபடிக்கு நீர் திறக்கப்படாததால் விவசாயிகள் கவலை' என தினமணியில் செய்தி வெளியியாகி இருந்தது. இந்நிலையில் இந்த செய்தி எதிரொலியாக நீர் திறந்துவிடப்பட்டுள்ளது. கல்லணையிலிருந்து குறைந்த அளவு நீர் கீழணைக்கு வருகிறது. இந்த நீர் கீழணையிலிருந்து வெளியேற்றப்பட்டு வீராணம் ஏரிக்கு அனுப்பப்படாமல் வடவாற்றிலேயே தேக்கி வைக்கப்பட்டது.

இது குறித்து தினமணியில் வெள்ளிக்கிழமை செய்தி வெளியானது. இந்நிலையில் கொள்ளிடம் வடிநில பொதுப்பணித்துறை செயற்பொறியாளர் எஸ்.செல்வராஜ், உதவி செயற்பொறியாளர்கள் பெரியசாமி, கலியமூர்த்தி, உதவிப் பொறியாளர் சரவணன் ஆகியோர் சனிக்கிழமை காலை காட்டுமன்னார்கோவில் அருகே ருத்தரசோலை எனுமிடத்தில் வடவாற்றிலிருந்து வீராணம்ஏரிக்கு நீரை திறந்துவிட்டனர். ஏரிக்கு சுமார் 500 கனஅடி நீர் செல்கிறது. கொள்ளிடம் இடதுகரையை பலப்படுத்தும் பணிக்கு ஏரியிலிருந்து மண் அள்ளுவதாலும், கீழணை பாலம் மற்றும் ஷட்டர் சீரமைப்பு பணியினால் வீராணம் ஏரிக்கு தண்ணீர் அனுப்புவது நிறுத்தப்பட்டு கடந்த பிப்ரவரி முதல் 4 மாதங்களாக வீராணம் ஏரி வறண்டு கிடந்ததது. 4 மாதங்களாக வீராணம் ஏரியிலிருந்து சென்னைக்கு குடிநீர் அனுப்புவதும் நிறுத்தப்பட்டு போர்வெல் மூலம் நீரேற்றி அனுப்பி வந்தனர். இந்நிலையில் ஏரிக்கு மீண்டும் நீர் அனுப்பப்படுவதால் விவசாயிகள் பெரும் மகிழ்ச்சி அடைந்துள்ளனர். ஏரியில் விரைவாக நீரை நிரப்பி அங்கிருந்து பாசனத்திற்கு நீரை திறந்துவிட வேண்டும் விவசாயிகள் கோரிக்கை விடுத்துள்ளனர்.

நன்றி:தினமணி

"மனநிறைவு தரும் கல்விப் பணி'

2011-06-18T10:34:00.000+05:30

அறம்பொருள் இன்பம் வீடு பயக்கும்

புறங்கடை நல்லிசையும் நாட்டும் - உறுங்கவலொன்று

உற்றுழியும் கைகொடுக்கும் கல்வியின் ஊங்கில்லை

சிற்றுயிர்க்கு உற்ற துணை

என்று பழம்பாடல் ஒன்று கல்வியின் சிறப்பை உரைக்கிறது.கல்வி அறிவு பெற்றபின் அறியாமை என்ற இருளை அகற்றி மனிதன் மனிதனாக வாழத் தொடங்கினான் என்பது வரலாறு.

கேடில் விழுச்செல்வம் கல்வி ஒருவருக்கு

மாடல்ல மற்றை யவை

என்று வள்ளுவப் பெருந்தகை கூறுவதுபோல் உலகத்தில் தலைசிறந்த செல்வம் கல்விச் செல்வம் மட்டும் தான். பிற செல்வங்கள் கொடுக்கக் கொடுக்க குறையும். ஆனால் கல்வி செல்வம் ஒன்றுதான் மற்றவர்களுக்குக் கொடுக்கும்போது கொடுப்பவருக்கும் அதைப் பெறுபவருக்கும் உயர்வினைத்தரும் என்பது எல்லா காலத்திலும் உண்மையாகவே உள்ளது. எனவே கல்வி வளர்ச்சி என்பது ஒரு சமுதாய வளர்ச்சியாகக் கருதப்படுகிறது.இந்தக் கல்வி அறிவு பண்டைய காலங்களில் குருகுல முறையில் போதிக்கப்பட்டது. அங்கு புத்தகக் கல்வி மட்டுமல்லாமல் ஒழுக்கம், பண்பாடு, கலாசாரம், தன்னம்பிக்கை போன்றவைகளும் சொல்லித் தரப்பட்டன. அப்படிப்பட்ட கல்வி முறைகள் மாறிப் போனாலும் சீர்தூக்கிப் பார்க்ககூடிய அளவில் பல கல்வி நிறுவனங்கள் திறம்படச் செயல்பட்டுக் கொண்டிருக்கின்றன.ஏழைக்குக் கல்வி கற்பித்தலே மிக உயர்ந்த தர்மம் என்று மகாகவி பாரதி தன் பாட்டிலே கூறுகிறார்.வெள்ளைத் தாமரை பூவில் இருப்பாள் என்று கலைமகளின் தோத்திரப் பாடலில் பாரதியார் இப்படி கூறுகிறார்:-

அன்னசத்திரம் ஆயிரம் வைத்தல்

ஆலயம் பதினாயிரம் நாட்டல்

பின்னருள்ள தருமங்கள் யாவும்

பெயர் விளங்கி ஒளிர நிறுத்தல்

அன்னயாவினும் புண்ணியம் கோடி

ஆங்கோர் ஏழைக்கு எழுத்தறிவித்தல்

என்ற பாரதியார் பாட்டிலே கவரப்பட்ட சமூகத் தொண்டாளர் கே.ஐ.மணிரத்தினம். அவர் பொன்னியின் செல்வன் வரலாறு தடம்பதித்த வீராணம் ஏரியால் வளம் கொழிக்கும் புண்ணிய பூமியான கடலூர் மாவட்டம் காட்டுமன்னார் கோயில் அருகே நாட்டார்மங்கலம் கிராமத்தில் கல்வி நிறுவனங்களைத் துவக்கியுள்ளார். ஒரு சாதாரண குடும்பத்தில் பிறந்து வளர்ந்து பொறியியல் துறையில் முனைவர் பட்டம் பெற்று கட்டுமானத் தொழிலில் கால் நூற்றாண்டு காலம் சாதனை படைத்த இவர், தான்பட்ட கல்வி கஷ்டங்களை கிராமப்புற மாணவர்கள் அடைந்து விடக்கூடாது என்ற நோக்குடன் தான் பிறந்த சொந்த கிராமத்திலே ராஜீவ் காந்தி தேசிய மேல்நிலைப்பள்ளி மற்றும் ராஜீவ் காந்தி தேசிய உயர்நிலைப் பள்ளியை துவக்கியுள்ளார்.

எளிமையான தோற்றம் உடைய இவர், நேர்மையான கொள்கையை பின்பற்றுகிறார். கோயில்களுக்கும், கிராமங்களுக்கும் தான் உழைப்பில் வரும் வருமானத்தைச் செலவு செய்து வந்தாலும் நாட்டின் உண்மையான எதிர்காலம் எது என்று கண்டறியும் நோக்கில் கல்விப் பணியில் தன்னை ஈடுபடுத்திக் கொண்டார். அதன்படி கமலம்மாள் அறக்கட்டளை சார்பில் இயங்கி வந்த அருள் மெட்ரிகுலேஷன் மேல்நிலைப்பள்ளி மற்றும் கஸ்தூரி அம்மாள் உயர்நிலைப்பள்ளி என்னும் கல்வி நிறுவனங்கள் நிர்வாக மாற்றம் செய்யப்பட்டுள்ளன. 2011-12}ம் கல்வியாண்டு முதல் அனுக்கிரகாஸ் அறக்கட்டளை சார்பில் ராஜீவ் காந்தி பெயரில் இந்த கல்வி நிறுவனங்களை இவர் நடத்தி வருகிறார்.

இன்றைய மாணவர்கள் நாளைய குடிமக்கள் என்பதால் அவர்கள் நேர்மை, ஒழுக்கம், நாட்டுப்பற்று மிக்கவர்களாக உருவாக்கப்பட வேண்டும் என்ற நோக்கில் இந்த பள்ளிகள் செயல்படுகின்றன. கிராம முன்னேற்றமின்றி நாட்டு முன்னேற்றம் இல்லை என்பதையும் கிராமம் தான் இந்தியாவில் ஜீவநாடி என்பதையும் ஆழமாக நம்பும் இந்த கல்வி நிறுவனம் பல வசதிகளை உருவாக்கி வருகிறது.அமைதியான காற்றோட்டம் மிக்க சூழ்நிலை, அன்பளிப்பு மற்றும் அனுபவம் வாய்ந்த ஆசிரியர்கள், ஆண், பெண் இருபாலரும் பயிலும் வசதி, விடுதி வசதி, பேருந்து வசதி, சிறப்பான நூலகங்கள் தரமான ஆய்வகங்கள், சிறப்பு பாடங்களுக்கு தனி ஆசிரியர்கள், மாணவர்களுக்கு வழிகாட்டும் அறிவு மையம் அரசு விதிமுறைகள்படி வகுப்பறைகள், அழகிய சீருடை, விளையாட்டுப் பயிற்சிகள், தனித்திறமை வளர்ப்பு எல்.கே.ஜி. முதல் கணினி அறிவு பயிற்சி, ஹிந்தி மொழி போதனை, எல்.கே.ஜி முதல் பன்னிரெண்டாம் வகுப்பு வரை ஆங்கில வழி. ஆறாம் வகுப்பு முதல் பன்னிரெண்டாம் வகுப்பு வரை தமிழ் வழி கல்வி மற்றும் பெற்றோர் ஆசிரியர் சங்க அமைப்புகள் போன்ற அனைத்தும் இந்த கல்வி நிறுவனத்தில் அமைகின்றன.

குறிப்பாக தனியார் பள்ளி நிர்வாகத்தில் அரசு நியமித்த கல்வி கட்டணத்தை அமல்படுத்த முடிவதில்லை. ஆனால் இந்த பள்ளியில் அரசு நிர்ணயித்த கட்டணமாக 6-ம் வகுப்பில் ரூ.2495, 7-ம் வகுப்பில் ரூ.2615, 8-ம் வகுப்புக்கு ரூ.2835, 9-ம் வகுப்புக்கு ரூ.4275, 10-ம் வகுப்புக்கு ரூ.4975 என்ற அளவில் கட்டணம் பெறப்படுகிறது. இதனால் கிராமபுறத்தில் வசிக்கும் பெற்றோர்கள் பெருமகிழ்ச்சி அடைகிறார்கள் என்பது குறிப்பிடத்தக்கது.

கல்வி நிறுவன வளர்ச்சி பற்றி கூறும் முனைவர் கே.ஐ.மணிரத்தினம், எதிர்காலத்தில் கிராமப்புற மாணவர்கள் ஐஏஎஸ்., ஐபிஎஸ் தேர்வில் வெற்றி பெறும் அளவுக்கும் உயர் கல்விக்கான வழிகாட்டும் படிப்பு மையங்களும் துவங்கப்பட உள்ளதாக தெரிவித்தார். லாபநோக்கம் என்பது கல்விப் பணியில் காட்டுவது தமது நோக்கமல்ல என்ற அவர், அறிவுப்பூர்வமான வளர்ச்சி நாட்டை முன்னேற்றப்பாதையில் கொண்டு செல்லும் என்ற அடிப்படையில் தான் தொலைநோக்கு சிந்தனை கொண்ட முன்னாள் பாரத பிரதமர் ராஜீவ் காந்தி பெயரில் இந்தக் கல்வி நிறுவனத்தை துவக்கினோம் என்கிறார்.

"உறக்கத்தில் காண்பதல்ல கனவு; என்னை உறங்கவிடாமல் செய்வதுதான் கனவு' என்று முன்னாள் குடியரசுத் தலைவர் டாக்டர் அப்துல் கலாம் சொல்வதைக் குறிப்பிட்ட அவர், அந்த அடிப்படையில் தான் தமது முன்னேற்றமும் அமைந்தது என்கிறார். அவர் தொடர்ந்து கலை, அறிவியல் கல்லூரி உள்பட பல கல்வி நிறுவனங்களை உருவாக்கத் திட்டமிட்டுள்ளதாகவும், கல்விப் பணியை மனநிறைவோடு செய்வதாகவும் கூறுகிறார். ஒவ்வொரு மாணவனுக்கும் தொடக்ககல்வி, உயர்நிலைக் கல்வி, மேனிலைக் கல்வி சிறப்பாகக் கிடைத்தால் அவனது எதிர்கால வாழ்வு மிகச்சிறந்து விளங்கும் என்ற நல்லெண்ணத்தில் தொலைநோக்கு சிந்தனையோடு நடைபெற்றுக் கொண்டிருக்கின்ற ராஜீவ் காந்தி நேஷனல் மெட்ரிக் மேனிலை மற்றும் உயர்நிலைப் பள்ளி மிகச்சிறந்த வளர்ச்சியைக் கண்டு மாநிலமே போற்றப்பட வேண்டிய அளவில் செயல்பட்டுக் கொண்டிருக்கிறது. தமிழகத்தில் செழித்தோங்கும் கல்வி வளர்ச்சியில் இப்பள்ளியின் பங்களிப்பும் குறிப்பிடத்தக்க வகையில் இருக்கும் என்பதில் வேறு கருத்து இருக்காது.

நன்றி:தினமணி

ராஜீவ் காந்தி மெட்ரிக் பள்ளி தொடக்கம்

2011-06-16T20:36:00.000+05:30

சிதம்பரம், ஜூன் 15: காட்டுமன்னார்கோவில் அருகே நாட்டார்மங்கலத்தில் ராஜீவ் காந்தி தேசிய மெட்ரிக்குலேஷன் மேல்நிலைப் பள்ளி, ராஜீவ் காந்தி தேசிய உயர்நிலைப் பள்ளி தொடங்கப்பட்டுள்ளது.

நாட்டார்மங்கலத்தில் 1989 முதல் தொடங்கி நடைபெற்று வந்த அருள் மெட்ரிகுலேஷன் மேல்நிலைப் பள்ளி, கஸ்தூரி அம்மாள் உயர்நிலைப் பள்ளி ஆகியவற்றை நிர்வாக மாற்றம் செய்யப்பட்டு 2011-12 கல்வி ஆண்டுமுதல் அனுக்கிரகாஸ் அறக்கட்டளை சார்பில் ராஜீவ் காந்தி பெயரில் தனது சொந்த ஊரான நாட்டார்மங்கலத்தில் இந்த கல்வி நிறுவனங்களை தொடங்கியுள்ளார் தொழிலதிபர் கே.எம்.மணிரத்தினம்.

இந்த கல்வி நிறுவனங்களின் தொடக்கவிழா புதன்கிழமை நடைபெற்றது. விழாவுக்கு பள்ளி நிர்வாகி மணிரத்தினம் தலைமை வகித்தார். பொறியாளர் வீராசாமி வரவேற்றார். வட்டாட்சியர் விஸ்வநாதன், இன்ஸ்பெக்டர் சந்திரசேகர் ஆகியோர் வாழ்த்துரையாற்றினர். பள்ளி முதல்வர் டி.ராஜமாணிக்கம் நன்றி கூறினார். கடந்த ஆண்டு அதிக மதிப்பெண்கள் பெற்ற மாணவ, மாணவிகளுக்கு மணிரத்தினம், அவரது துணைவியார் உஷா மணிரத்தினம் ஆகியோர் ரொக்கப் பரிசுகளை வழங்கிப் பாராட்டினர்.

Dinamani

எம்.எல்.ஏ. அலுவலகம் திறப்பு

2011-06-14T11:36:00.000+05:30

காட்டுமன்னார்கோவிலில் சட்டப்பேரவை உறுப்பினர் அலுவலக திறப்பு விழா ஞாயிற்றுக்கிழமை நடைபெற்றது. விழாவிற்கு சட்டப்பேரவை உறுப்பினர் நாக. முருகுமாறன் தலைமை வகித்தார். அதிமுக ஒன்றியச் செயலாளர்கள் கே.ஏ. பாண்டியன், துரை. பாண்டியன் ஆகியோர் முன்னிலை வகித்தனர். அதிமுக மாவட்டச் செயலாளர் ஏ. அருண்மொழிதேவன் சட்டப்பேரவை உறுப்பினர் அலுவலகத்தை திறந்து வைத்தார்.

பின்னர் நாக. முருகுமாறன் எம்.எல்.ஏ. செய்தியாளர்களிடையே கூறியது: 32 ஆயிரம் வாக்குகள் வித்தியாசத்தில் என்னை வெற்றி பெறச்செய்த மக்களுக்கும், கூட்டணி கட்சி நிர்வாகிகளுக்கும் நன்றி தெரிவித்துக்கொள்கிறேன். முதல்வர் அறிவித்துள்ள திட்டங்கள் இத்தொகுதியில் சேதாரமின்றி தொகுதி மக்களிடம் சென்றடைய நடவடிக்கை எடுப்பேன். என்னை அலுவலகத்தில் காலை 10 மணி முசல் இரவு 10 மணி வரை மக்கள் சந்தித்து குறைகளை தெரிவிக்கலாம். திருமுட்டம் பகுதி மக்களுக்கு அங்கு கிளை அலுவலகம் திறந்துள்ளேன். இங்கு வாரந்தோறும் புதன்கிழமை மக்களை சந்தித்கு குறைகளை கேட்பேன்.

எனது செல்போன்: 94436 65991 தொடர்பு கொண்டு மக்கள் குறைகளை தெரிவிக்கலாம். திமுக ஆட்சியில் ஷண்டன், லால்பேட்டை பகுதிகளில் மூடப்பட்ட துணை மருந்தகங்களை திறக்க நடவடிக்கை எடுப்பேன். காட்டுமன்னார்கோவில் அரசு மருத்துவமனை மேம்படுத்த நடவடிக்கை மேற்கொள்ளப்படும் என நாக.முருகுமாறன் எம்.எல்.ஏ. தெரிவித்தார்.

நன்றி:தினமணி

அண்ணே, அண்ணே, சிப்பாயண்ணே நம்ம ஊரு இப்ப ரொம்ப முன்னேறி போச்சுங்கன்னே

மாவீரன்?

2011-06-12T22:43:00.000+05:30

போரில் இரண்டுவகை. ஒன்று தற்காப்பு, மற்றொன்று ஆக்கிரமிப்பு. உள்ளதை வைத்து உண்டுமகிழ்ந்து, குண்டு சட்டியில் குதிரை ஓட்டும் குமாஸ்தா அரசர்கள் தங்களை காத்துகொள்ள நடத்தும் தற்காப்பு போர்கள் பலவீனமானவை. தன் தண்ணீர் தாகத்துக்கு குதிரையின் வேகத்தை குறைத்தால் அதுகூட தன்னுடைய போருக்கு பலவீனத்தை ஏற்படுத்தும் என்று, குதிரையின் பிடரியை மெலிதாய் கீறி அதன் ரத்தத்தை தன் உதடுகளில் ஒட்டி விரைந்தவன். பாரசீகமா, இந்தியாவா என்று யோசிக்கும்போது அவன் விடுத்த மூச்சுகாற்றின் வெப்பம் இந்திய அரசர்களுக்கு நடுக்கத்தை உருவாக்கியது என்று வரலாற்று ஆசிரியர்கள் மெச்சும் செங்கிஸ்கான், மாவீரன் என்றால் நம் சுந்தர தெலுங்கு மக்கள் எடுத்த படத்துக்கு போர்வீரன் என்றோ காதல்வீரன் என்றோ பெயர் வைத்திருக்கலாம் என்று தோன்றியது.

400 ஆண்டுகளுக்கு முன்னால் பிரிந்துபோன காதலர்கள் தற்காலத்தில் சேர்கிறார்கள், தாங்கள் விட்ட அதே இடத்தில். காதலை சொல்ல டைட்டானிக் கப்பல்களும், பன்டோராகளும் தேவைப்படும் இந்த காலத்தில், ஒரு உதயகிரி என்பது முக்கியமாகிறது. நல்லவேளை இந்த நகரத்தை அவர்கள் கிராபிக்ஸில் உருவாக்கிவிட்டார்கள். இதுவே ஷங்கர் என்றால் நிஜமாகவே ஒரு செட்டை போட்டிருப்பார். உதயகிரியில் காட்டப்படும் அந்த 45 நிமிடங்களுக்கு நம்மை இருக்கையின் நுனிக்கு வரவழைத்து விடுகிறார் இயக்குனர். மற்றபடி இரண்டு குத்துபாட்டு, இரண்டு சண்டை என படம் செல்கிறது. ஆந்திராவில் 100 கோடி வசுலான படம் என சொல்கிறார்கள். படம் அதற்கு தகுந்ததுதான் என நான் நினைக்கிறேன்.

முட்டம் பாலம் கட்டும் பணி...தீவிரம்

2011-06-08T16:19:00.002+05:30

காட்டுமன்னார்கோவில் அருகே கொள்ளிடம் ஆற்றில் நாகை - கடலூர் மாவட்டத்தை இணைக்கும் வகையில் 48 கோடி ரூபாயில் கட்டப்படும் முட்டம் பாலம் பணி இரவு, பகலாக தீவிரமாக நடந்து வருகிறது. காட்டுமன்னார்கோவில் அடுத்த முட்டம் பகுதியில் கடலூர் - நாகை மாவட்டத்தை இணைக்கும் வகையில் கொள்ளிடம் ஆற்றின் குறுக்கே 48 கோடி ரூபாய் செலவில் உயர்மட்ட பாலம் கட்டப்படுகிறது. இரு மாவட்டத்தைச் சேர்ந்த 200க்கும் மேற்பட்ட கிராம மக்களின் 40 ஆண்டுகால கோரிக்கையை நிறைவேற்றும் வகையிலும், வியாபார ரீதியாக இரு மாவட்ட பொதுமக்கள், வியாபாரிகள், விவசாயிகளுக்கு பயன்பெறும் வகையில் இப்பாலம் கட்டப்படுகிறது.

பாலம் பணி முடிவடைந்தால் நாகை, தஞ்சாவூர், பட்டுக்கோட்டை, திருவாரூர், மன்னார்குடி உள்ளிட்ட பல்வேறு மாவட்ட மக்கள் சென்னை செல்வதற்கு பிரதான சாலையாகிவிடும். சென்னையில் இருந்து நாகை மாவட்டத்திற்குச் செல்பவர்கள் சேத்தியாத்தோப்பு, காட்டுமன்னார்கோவில், முட்டம், பட்டவர்த்தி, வில்லியநல்லூர், நீடூர், மயிலாடுதுறை சென்று விடலாம். அதேப்போன்று காட்டுமன்னார்கோவில் சுற்றியுள்ள கிராம மக்கள் மயிலாடுதுறை செல்வதற்கு சிதம்பரம் வந்து சீர்காழி வழியாக செல்ல வேண்டிய அவசியம் இருக்காது. நாகை கொள்ளிடக்கரை கிராம மக்களும் 70 கி.மீ., தூரம் சுற்றி வரவேண்டிய நிலை தவிர்க்கப்படும். இதனால் 2.30 மணி நேரம் செல்ல வேண்டியது ஒரு மணி நேரம் மிச்சமாகி விடும். முட்டம் பாலம் கட்ட வேண்டும் என 1974ம் ஆண்டு அப்போதைய காட்டுமன்னார்கோவில் சேர்மனும், அமைச்சர் பன்னீர்செல்வத்தின் தந்தையுமான கிருஷ்ணமூர்த்தி, ஒன்றிய குழுக் கூட்டத்தில் தீர்மானம் நிறைவேற்றி அரசுக்கு கோரிக்கை வைத்தார்.

அதனைத் தொடர்ந்து பொதுமக்களின் பல ஆண்டு கோரிக்கையை நிறைவேற்றும் வகையில் முன்னாள் சுகாதாரத்துறை அமைச்சர் பன்னீர்செல்வம் முயற்சியால் பாலம் கொண்டு வரப்பட்டது. நபார்டு உதவியுடன் தமிழக அரசு 48 கோடி ரூபாய் ஒதுக்கீடு செய்யப்பட்டு பாலம் கட்டும் பணி துவக்கியுள்ளது. நிலம் ஆர்ஜித பணிகள் முடிந்து கடந்த 2010ம் ஆண்டு பிப்ரவரி மாதம் 27ம் தேதி பணி துவங்கியது. துணை முதல்வராக இருந்த ஸ்டாலின் அடிக்கல் நாட்டினார். பாலம் கட்ட ஒன்றரை ஆண்டுகள் திட்ட காலம் நிர்ணயிக்கப்பட்டு, அது 12 மாதமாக குறைக்கப்பட்டது. ஆனால் தொடர்ந்து பெய்த மழை, கொள்ளிடத்தில் வெள்ளம் என இயற்கை இடர்பாடுகளால் பாலம் பணி தொடர்ந்து பாதிக்கப்பட்டு வந்தது. 5 மாதங்கள் பணிகள் நடைபெறாமல் போனதால் பணிகள் முடித்திருக்க வேண்டிய நிலையில் 50 சதவீத பணிகள்தான் முடிந்துள்ளது.

பாலத்திற்கு 36 பில்லர்கள் அமைக்கும் பணி முடிவடைந்து அதன்மேல் தளம் அமைக்கும் பணி துவங்கியுள்ளது. பணிகள் முடிய மேலும் அவகாசம் தேவை என்பதால் வரும் 2012 ஜூலை மாதம் பணி முழுமை பெற்று விடும் என தெரிகிறது. அதையொட்டி பணிகள் இரவு, பகலாக தீவிரமாக நடந்து வருகிறது

நன்றி:கொள்ளுமேடு எக்ஸ்பிரஸ்

பார்த்தது

2011-06-06T12:00:00.017+05:30

டாரண்ட், தமிழ்தாய், திருட்டுவிசிடி என கடந்து, பிடித்த தமிழ்படங்களை இனி வெள்ளிதிரையில் பார்ப்பது என முடிவெடுத்து, கடந்த நாட்களில் பார்த்த படங்கள் கண்டிப்பாக சிங்கள் டிஜிட்டை தாண்டாது. இருந்தாலும் இதற்கே பல ஆயிரம் ரூபாய் செலவழித்திருப்பேன் இன்ன பிற செலவுகளையும் சேர்த்து. பார்த்த படத்தில் பிடித்தது எங்கேயும் காதல்தான்...கள்ளிகாட்டு இதிகாசம் நாவலை படிக்கும் போது அதில் புதிதாய் வரும் சில கேரடக்ரை வைரமுத்து அடிமுதல் உச்சிவரை விமர்சிக்கும் பாங்கு எனக்கு பிடித்ததேயில்லை. அதோடு இல்லாமல் அந்த கேரடக்ருக்கான சில பிளாஷ்பேக்கை அவர் எழுதும்போது அதை ஸ்கிப் செய்துவிடுவேன். என்னை பொருத்தவரை அந்தகதையில் பேயத்தேவர்தான் ஹீரோ அவர் சம்பந்தபட்ட சங்கதிகளை படிப்பதே பிடிக்கும். இந்த படத்திலும் அதுபோல் மற்ற எந்த கேரக்டர்களையும் பெரிதுபடுத்தாமல் இருவரின் காதலை ஒரே நேர்கோட்டில் சொல்லிருப்பது தமிழுக்கு புதுசு. காதல் என்பதே சம்திங் ஸ்பெஷல் என்பதை தன்னுடைய முந்திய படத்தில் சொன்னவர், இன்று காதல் மன்னனாக காதல் நகரத்தில் படம் எடுக்கிறார் என்றால் கண்டிப்பாக இச் இச் என்று கேட்கத்தானே செய்யும்.

கோ...கோபாலபுரத்தில் இருந்தாலும், கோட்டையில் இருந்தாலும் என உடன்பிறப்புகள் கோவை முன்னிலைபடுத்தும் அளவுக்கு கோ ஒரு வெற்றி படமாக ஓடுகிறது. ராக்கியிலும், பிவிஆரிலும் என இரண்டுமுறை பார்த்த படம். ஜீவா...அரும்புமீசை முளைத்த சொளகார்பேட் பார்ட்டி. இவருடைய ஈ மற்றும் தமிழ் எம்.ஏ படத்தை பார்த்தேன். முந்தியது ஜனநாதனுக்காக, பிந்தியது தமிழுக்காக. இரண்டிலும் எனக்கு ஏமாற்றமே. கே.வி.ஆனந்தின் அயனை அங்கொன்றும் இங்கொன்றுமாக சின்னதிரையில் பார்த்ததால் கோ படத்தை பார்க்கலாம் என தோன்றியது. முதல் பாதி கார்ப்பரேட் லுக்கிங், இரண்டாம் பாதி ராஜேஷ்குமார் நாவல் படித்தது போல் இருந்தது. தேர்தல் களத்தில் படித்த பட்டதாரிகள், அரசியல் மாற்றம் என அதர பழசான கான்செப்டை, நக்சல்கள் மூலம் அடைவது என காட்டியிருக்கிறார்கள். கோ...புதிய பாட்டிலில் பழைய ஒயின்.

அழகர்சாமியின் குதிரை...சின்னதிரையில், வசனம் பாஸ்கர்சக்தி என்று டைட்டில் கார்டு போட்டால் அது சக்ஸஸ் என்று அர்த்தம். ஆனால் இந்த திரைபடம் அவருடைய நாவலை ஒட்டி எடுக்கப்ட்டது என்பதை நம்பவே முடியவில்லை. மேலாண்மை பொன்னுசாமி ஆனந்தவிகடனில் எழுதிய மயில்கதையை படித்தபோது என்னுள் ஒரு அதிர்வை உணர்ந்தேன். அதுதான் ஒரு எழுத்தாளனுக்கு சிறப்பு. ஆனால் இந்த திரைபடத்தை பார்க்கும்போது எப்பொழுது படம் முடியும் என்று கடிகாரத்தை பார்க்கதோன்றுகிறது. இயக்குனர் சுசீந்தரன் படத்தையே பார்க்ககூடாது என்று நினைத்திருந்தேன், அந்த அளவுக்கு நான் மகான் அல்ல படத்தில் வக்கிரத்தின் உச்சத்தை தொட்டவர் அவர். அப்புகுட்டி, வெள்ளைகுதிரை,பாஸ்கர்சக்தி இந்த மூவரும் படத்தை பார்க்க தூண்டினர். தூண்டில் மீனாய் நான்தான் சிக்கினேன்.எங்கள் ஊரில் உள்ள அய்யனார் குதிரையின் இரண்டு கால்கள் சேதமாகி உள்ளது. எதற்கும் சிற்ப கலைஞர்களின் மீது ஒரு கண் வைக்க வேண்டும். LOL

(வரும்)

தமிழுக்கு இன்று 88 வது பிறந்தநாள்

2011-06-02T21:41:00.000+05:30

கழன்று ஓடிய டயர்

2011-06-02T19:54:00.000+05:30

காட்டுமன்னார்கோவில் அருகே, தனியார் பஸ்சின் முன் சக்கரம் கழன்று ஓடியதால், பரபரப்பு ஏற்பட்டது.

கடலூர் மாவட்டம் சிதம்பரத்தில் இருந்து, நேற்று மதியம், காட்டுமன்னார்கோவிலுக்கு, தனியார் பஸ், 40க்கும் மேற்பட்ட பயணிகளுடன் சென்று கொண்டிருந்தது. குமராட்சி அருகே செல்லும்போது, பஸ்சின் முன் சக்கரத்தில் இருந்து, சத்தம் வந்ததால், டிரைவர் பஸ்சை நிறுத்தி சோதனை செய்ததில், பேரிங் உடைந்தது தெரிந்தது. காட்டுமன்னார்கோவில் வரை சென்று விடலாம் என, டிரைவர் மீண்டும் பஸ்சை இயக்கினார்.

லால்பேட்டை நெருங்கிய போது, பஸ்சின் முன் சக்கரம் கழன்று ஓடியது. இதனால் பலத்த சத்தத்துடன் பஸ் நடுரோட்டில் முன் பக்கம் சாய்ந்தபடி நின்றது. பயணிகள் அலறியடித்து இறங்கி ஓடினர். கழன்ற சக்கரம், 300 மீட்டர் தூரம் ஓடி அருகில் உள்ள வயலில் விழுந்தது. இதனால் அப்பகுதியில் பெரும் பரபரப்பு ஏற்பட்டது. பஸ்சை மிதமான வேகத்தில் ஓட்டியதால் பெரும் விபத்து தவிர்க்கப்பட்டது. நடுரோட்டில் பஸ் நின்றதால் போக்குவரத்து பாதிக்கப்பட்டது. இதைத் தொடர்ந்து வாகனங்கள் எள்ளேரி, லால்பேட்டை வழியாக திருப்பி விடப்பட்டன

எந்த RTO ஆபிஸ்ல எப் ஸி போட்டீங்க பழனியப்பா பிரதர்ஸ்?

நன்றி:மஜாகார்த்தி www.cuddalore-news.blogspot.com

ஏரிகள் தூர்வாருவதில் அதிகாரிகள் மெத்தனம்

2011-05-24T20:03:00.001+05:30

கொள்ளிடக்கரையை பலப்படுத்த ஏரிகளில் மண் எடுக்காமல், வெள்ளூர் கிராமத்தில் தனியார் வயலில் மீன் பண்ணை அமைக்க குளம் வெட்டிக்கொடுத்து அதிலிருந்து மண் எடுக்க வலியுறுத்தி மனு அளித்தனர்

ரூ. 108 கோடி கொள்ளிடக் கரை சீரமைப்புத் திட்டத்தில், கடலூர் மாவட்ட டெல்டா விவசாயிகளின் கோரிக்கை நிறைவேறாததால் ஏமாற்றம் அடைந்து உள்ளனர். எனவே இப்பணி குறித்து விசாரணை நடத்த வேண்டும் என்று விவசாயிகள் தமிழக அரசை வற்புறுத்தி உள்ளனர்.

தமிழகத்தின் பிற மாவட்டங்களில் உற்பத்தியாகி கிழக்கு நோக்கிப் பாயும் கொள்ளிடம், பெண்ணையாறு, வெள்ளாறு, கெடிலம் ஆறு, மணிமுத்தாறு ஆகியவை கடலூர் மாவட்டம் வழியாக ஓடி வங்கக் கடலில் கலப்பதால், ஆண்டுதோறும் வடகிழக்குப் பருவமழை காலத்தில் இம்மாவட்டம் பெரும் வெள்ளச் சேதங்களைச் சந்திக்கிறது.

இது குறித்து தொடர்ந்து பல ஆண்டுகளாக கடலூர் மாவட்ட விவசாயிகள் குரல் கொடுத்ததன் விளைவாக, மேற்கண்ட ஆறுகளின் கரைகளைப் பலப்படுத்த அண்மையில் மத்திய அரசு பெரும் தொகை ஒதுக்கியது. மாநில அரசின் 25 சதவீதம் நிதியையும் சேர்த்து, ரூ.624 கோடியில் ஆறுகளைப் பலப்படுத்தும் திட்டம், தமிழகப் பொதுப்பணித் துறையால் நிறைவேற்றப்பட்டு வருகிறது. இதில் ரூ. 108 கோடியில் கொள்ளிடத்தின் வடக்குக் கரை பலப்படுத்தும் பணி பிப்ரவரி 18-ம் தேதி தொடங்கப்பட்டது.

இத்திட்டப்படி அணைக்கரை முதல் கடற்கரை வரை 62 கி.மீ. தூரம் கொள்ளிடக் கரை பலப்படுத்தும் பணி, 7 பிரிவுகளாக ஒப்பந்ததாரர்கள் மூலம் நடைபெற்று வருகிறது. விவசாயிகளின் கோரிக்கை அடிப்படையில், கரையைப் பலப்படுத்தத் தேவையான மண், வீராணம் ஏரியில் இருந்து 21.25 லட்சம் கன மீட்டர், அரியலூர் பொன்னேரியில் இருந்து 5.87 லட்சம் கன மீட்டர், சிதம்பரம் பொன்னேரியில் இருந்து 7.12 லட்சம் கன மீட்டர், நாரைக்கால் ஏரியில் இருந்து 13.56 லட்சம் கனமீட்டர் எடுக்க வேண்டும் என்று ஒப்பந்தத்தில் உள்ளது. ஏரிகளில் இவ்வாறு மண் எடுப்பதால் 0.18 டி.எம்.சி. நீர் கொள்ளளவு அதிகரிக்கும் என்றும் விவசாயிகளுக்குத் தெரிவிக்கப்பட்டு இருந்தது.

இதனால் விவசாயிகள் பலரும், தங்கள் ஏரிகள் தூர்வாரப்பட்டு, நீர்ப்பிடிப்புத் திறன் அதிகரிக்கும் என்ற நம்பிக்கையில் இருந்தனர். ஆனால் ஒப்பந்தத்தில் குறிப்பிட்டபடி மேற்கண்ட ஏரிகளில் மண் எடுக்கவில்லை என்றும், அக்கம் பக்கத்தில், தனியார் வயல்களில் மண் எடுத்து, திட்டத்தை முடிக்கப் பார்க்கிறார்கள் என்றும் விவசாயிகள் குற்றம்சாட்டுகிறார்கள். 2012 மார்ச் மாதத்துக்குள் இப்பணி முடிக்கப்பட வேண்டும் என்றாலும், கரை பலப்படுத்தும் பணி 60 சதவீதம் முடிந்து விட்டதாகக் கூறப்படுகிறது.

இந்த நிலையில் வீராணம் ஏரியில் இருந்து மிகக் குறைந்த அளவே மண் எடுக்கப்பட்டு உள்ளதாக விவசாயிகள் தெரிவிக்கிறார்கள். 21.25 லட்சம் கன மீட்டர் மண் வீராணத்தில் இருந்து எடுக்க வேண்டுமானால், 150 நாள்கள் தினமும் 100 லாரிகள், 5 நடை மண் எடுத்தால் மட்டுமே சாத்தியம் என்கிறார் பொதுப்பணித்துறை பொறியாளர் ஒருவர்.

இது குறித்து பாசமுத்தான் ஓடை விவசாயிகள் சங்கத் தலைவர் பி.ரவீந்திரன் கூறுகையில்,

"வீராணத்தில் இருந்து 5 லட்சம் கன மீட்டர் மண் மட்டுமே எடுக்கப்பட்டு உள்ளது. அரியலூர் பொன்னேரியில் இருந்து மண் எடுக்க அந்த மாவட்டத்தினர் எதிர்ப்பு தெரிவித்ததால் அங்கு மண் எடுக்க முடிய வில்லை. அதை ஈடுகட்ட வீராணத்தில் இருந்து கூடுதல் மண் எடுத்து இருக்கலாம். ஆனால் எடுக்க வில்லை. மற்ற ஏரிகளிலும் மண் எடுக்கவில்லை. பிப்ரவரி மாதம் முதல் வீராணம் ஏரியில் இருந்து தண்ணீர் முழுவதும் வெளியேற்றப்பட்டு காலியாக வைக்கப்பட்டு இருந்தது. ஆனால் விவசாயிகள் எதிர்பார்த்தபடி மண் எடுக்க வில்லை. அக்கம்பக்கத்தில் எங்கோ மண் எடுத்து ஒப்பேற்றி இருக்கிறார்கள். இனி காவிரி நீர், வீராணத்துக்கு வந்தபின் மண் எடுக்க முடியாது. இதனால் விவசாயிகள் பெரிதும் ஏமாற்றம் அடைந்து உள்ளனர். இது குறித்து அதிகாரிகள், விவசாயிகள் அடங்கிய குழுவை நியமித்து ஆய்வு செய்ய வேண்டும்' என்றார்.

கொள்ளிடம் கீழணை பாசன விவசாயிகள் சங்கச் செயலர் விநாயகமூர்த்தி கூறுகையில்,

"ஒப்பந்தத்தில் குறிப்பிட்டபடி ஏரிகளில் மண் எடுக்கவில்லை. வெள்ளூர் கிராமத்தில் தனியார் நிலத்தில் மீன்குளம் அமைக்க மண் எடுத்து, மண்ணை கொள்ளிடக்கரைக்குக் கொண்டு சென்றுள்ளனர். ஒப்பந்தத்தில் இல்லாத புங்கனேரியில் மண் எடுத்து உள்ளனர். எனவே இது குறித்து அதிகாரிகள் குழுவை அமைத்து விசாரணை நடத்த வேண்டும். ஒப்பந்தத்தில் உள்ளபடி, ஏரிகளில் எடுக்கப்பட்ட மண் அளவை கணக்கிட்டு, அதற்கு மட்டுமே பணம் கொடுக்க வேண்டும்' என்றார்.

இது குறித்து பொதுப்பணித்துறை அதிகாரிகள் கூறியது ,

"ஒப்பந்தத்தில் உள்ளபடி ஏரிகளில் மண் எடுக்கப்படுகிறது. 2012 மார்ச்சுக்குள் ஏரிகளில் மண் எடுக்கப்படும்' என்று தெரிவித்தனர்.

நன்றி:மஜாகார்த்தி www.cuddalore-news.blogspot.com

மக்கள் தீர்ப்பு

2011-05-24T19:38:00.000+05:30

இவருக்கு பதிலாக இனி இவர்.....

வாழ்த்துக்கள் முருகுமாறன்

அணைக்கரை பாலம் சீரமைப்பு

2011-04-26T20:06:00.000+05:30

அதிகாரிகளின் திட்டமிடாத செயலால் பழுதடைந்த அணைக்கரை பாலம் சீரமைப்பு பணி ஜவ்வாக இழுத்து போக்குவரத்து துண்டிக்கப்பட்டு மக்கள் அவதி தொடர்கிறது.

சென்னை - கும்பகோணம் சாலையில் முக்கிய பாலமாக 174 ஆண்டுகள் பழமை வாய்ந்த கொள்ளிடம் அணைக்கரை பாலம் உள்ளது. காவிரி டெல்டா பாசனத்திற்கு இப்பாலத்தின் கீழணையில் தண்ணீர் தேக்கி கடலூர், தஞ்சை, நாகப்பட்டினம் மாவட்ட பாசனத்திற்கு திறந்துவிடப்படுகிறது. கடந்த 2009ம் ஆண்டு பலவீனமடைந்த பாலம் ஒரு இடத்தில் விரிசல் ஏற்பட்டதையடுத்து பாதுகாப்பு கருதி லாரி, பஸ் உள்ளிட்ட கனரக வாகன போக்குவரத்து நிறுத்தப்பட்டு, இலகு ரக மற்றும் இரு சக்கர வாகனங்கள் மட்டுமே அனுமதிக்கப்பட்டு வந்தது. இதனால் சென்னை - கும்பகோணம் போக்குவரத்து துண்டித்தது.

அப்பகுதியைச் சுற்றியுள்ள இரு பகுதியைச் சேர்ந்த மக்களும் 2 கி.மீ., தூரம் பாலத்தை கடந்து சென்று பஸ் ஏறி செல்ல வேண்டிய நிலை இது வரை தொடர்ந்து வருகிறது. பொதுமக்களின் தொடர் எதிர்ப்பு காரணமாக தமிழக அரசு தற்காலிமாக பாலம் சீரமைப்பு பணிக்கு 6 கோடியே 21 லட்சம் ரூபாய் நிதி ஒதுக்கீடு செய்தது. கடந்த ஆண்டு அக்டோபர் மாதம் பணிகள் துவங்கி இதுவரை ஜவ்வாக இழுத்து வருகிறது. மழை, வெள்ளம் மற்றும் இயற்கை இடர்பாடுகள் ஏற்பட்டு வருவதால் பணிகள் தாமதமாக நடந்து வருவதாக அதிகாரிகள் தெரிவிக்கின்றனர். ஆனால் அதிகாரிகள் முறையாக திட்டமிடாத செயலே தொய்விற்கு காரணமாகியுள்ளது.

முதல் கட்ட பணியாக தெற்கு பகுதி பாலத்தில் அடித்தளம் கான்கிரீட் போட்டும், கம்பி கட்டி நவீன தொழில் நுட்பத்துடன் கூடிய ரசாயன பூச்சு மூலம் (கெனைட்டிங்) பலப்படுத்தப்பட்டது. தொடர்ந்து அதில் 40 ஷட்டர்களில் 30 ஷட்டர்கள் பழுது நீக்கப்பட்டுள்ளது. மீதமுள்ள 10 ஷட்டர்கள் பணி நடந்து வருகிறது. அதனைத்தொடர்ந்து கடந்த பிப். 27ம் தேதி பாலத்தின் மேல்தளம் முற்றிலுமாக அகற்றப்பட்டு அடித்தளம் அமைப்பதற்காக வேலைகள் துவங்கி நடந்து வருகிறது. தற்போது மேல் தளத்தை பலப்படுத்தும் வகையில் ரசாயன பூச்சு பணி பணி நடக்கிறது. அதற்குமேல் கான்கிரீட் போட்டு தளம் அமைத்து சாலை அமைக்கப்பட வேண்டும்.

இதற்கு இன்னும் ஒரு மாதம் பிடிக்கும். பாலம் சீரமைப்பு பணி நடப்பதையொட்டி பொதுமக்கள் ஆற்றை கடந்து செல்ல தெற்கு பகுதி கொள்ளிடம் ஆற்றில் தற்காலிகமாக செம்மண் சாலை அமைக்கப்பட்டுள்ளது. வடக்கு புற ஆற்றில் மட்டும் பாலத்தின் மீது இலகு ரக வாகன போக்குவரத்து தொடர்ந்து வந்தாலும் ஆற்றில் 7 லட்சம் ரூபாய் செலவில் சாலை போடும் பணி தொடர்ந்து நடந்து வந்தது.

இந்நிலையில் கடந்த மூன்று தினங்களாக பெய்த கோடை மழை காரணமாக ஆற்றில் தண்ணீர் அதிகரித்து தற்காலிக சாலை முற்றிலுமாக அடித்துச் செல்லப்பட்டது. இதனால் அதிகாரிகள் செய்வதறியாது திகைத்து வருகின்றனர். இந்நிலையில் வரும் 27ம் தேதி முதல் வடபுற பாலத்தில் மேல் தள சாலை உடைக்கும் பணிகள் துவங்கப்பட இருப்பதால் போக்குவரத்து முற்றிலும் நிறுத்தப்பட உள்ளது. தற்போதுள்ள நிலையில் கோடை மழையால் இரு பக்கமும் ஆற்றில் தண்ணீர் செல்வதால் போக்குவரத்து முற்றிலும் ஸ்தம்பித்துள்ளது.

இதனால் நேற்று முதல் பொதுமக்கள் ஷட்டரின் மேல் தளத்தில் பாதுகாப்பற்ற நிலையில் நடந்து செல்கின்றனர். கும்பகோணம் ஆர்.டி.ஓ., அசோக்குமார், பொதுப்பணி துறை செயற்பொறியாளர் செல்வராஜ், அணைக்கரை உதவி செயற்பொறியாளர் பெரியசாமி ஆகியோர் பணிகளை பார்வையிட்டனர். பாலம் பணி துவங்குவதற்கு முன் பொதுப்பணித்துறை நடத்திய ஆலோசனைக் கூட்டத்தில், கொள்ளிடம் ஆற்றின் இரு பாலத்திலும் ஒரே நேரத்தில் பணியை துவங்காமல் ஒரு பாலத்தின் பணியை முழுமையாக முடித்து, அடுத்து மற்றொரு பால பணியை துவக்கலாம்.

அதுவரை பணி நடக்கும் பாலம் வழியாக ஆற்றின் குறுக்கே தற்காலிகமாக அணை கட்டி தண்ணீரை திருப்பிவிடலாம் போன்ற ஆலோசனைகள் வழங்கியுள்ளனர். ஆனால் அதுபற்றி கவலைப்படாத பொதுப்பணித் துறையினர் இரு பக்க பாலத்திலும் வேலையை துவக்கி போக்குவரத்தை துண்டித்ததால், தற்போது ஆற்றில் போடப்பட்ட தரைப்பாலமும் மழை நீரில் அடித்துச் செல்லப்பட்டு மக்கள் இலகு ரக வாகனம் மற்றும் நடந்து செல்லவே முடியாத நிலையில் அவதியடைந்து வருகின்றனர்.

ஒரே நாளில் காலி:

அணைக்கரை வடப்புற பாலத்தின் மேல்தளம் உடைக்கும் பணி 27ம் தேதி துவங்க உள்ளதால் பொதுமக்கள் ஆற்று வழியாக நடந்து செல்ல 7 லட்சம் ரூபாய் செலவில் ஒரு மாதமாக செம்மண் தரைப்பாலம் அமைக்கப்பட்டது. அந்த பாலம் கடந்த மூன்று நாட்கள் பெய்த மழையால் நேற்று தண்ணீர் வந்ததால் முற்றிலுமாக உடைந்து மக்கள் நடந்து செல்ல முடியாத நிலைக்கு வந்து விட்டது.

எப்போது முடியும்?

அணைக்கரை பாலத்தில் மார்ச் 1ம் தேதி முதல் போக்குவரத்து துவங்கப்படும் என்றனர். அடுத்து ஏப்ரல் மாதம் என்றனர். தற்போது ஜூன் மாதத்திற்கு நாள் குறித்துள்ளனர். ஆனால் பணியில் வேகம், ஆள் பற்றாக்குறை நீடித்தால் 2012ல் தான் போக்குவரத்து துவங்கும் என்கின்றனர்.

நன்றி:மஜாகார்த்தி www.cuddalore-news.blogspot.com

2011-04-20T18:06:00.002+05:30

2011-04-15T13:53:00.000+05:30

ஜெயித்தால் தொகுதி பக்கம் தலைகாட்டுவார் என நம்புவோமாக!

என்ன செய்தார் எம்.எல்.ஏ

2011-03-06T20:59:00.000+05:30

2006 இல் காட்டுமன்னார்கோவில் சட்டமன்றத் தொகுதியில் வெற்றிபெற்றார். ஒரு சட்டமன்ற உறுப்பினர் என்ற முறையில் இவர் ஆற்றிய பணிகளை இங்கு பட்டியலிட முடியாது. வாய்ப்புகள் கிடைக்கும் போதெல்லாம் ஒடுக்கப்பட்ட மக்களுக்காக தொடர்ந்து குரல் கொடுத்து வந்தவர். தமிழக முதல்வரும் ரவிக்குமாரின் கோரிக்கைகளுக்கு தனிக்கவனம் செலுத்தி முடிந்தவைகளுக்கெல்லாம் செயல்வடிவம் கொடுத்தார்.அப்படி வந்தவைதான் நரிக்குறவர்கள், புதிரைவண்ணார், பதிவுபெற்ற கலைஞர்கள், வீட்டுபணியாளர்கள் ஆகியோருக்கான நலவாரியங்களாகும். கலைஞரின் கான்கிரீட் வீடுகட்டும் திட்டம் வந்ததில் இவருடைய பங்கு மகத்தானது.

நன்றி நிறப்பிரிகை

என்ன செய்தார் எம்.எல்.ஏ ன்னு இனி யாரும் கேட்க கூடாது. ஆமாம்.

உதவி என்றும் சேவை ஆகாது

2011-03-03T21:29:00.000+05:30

சேவை மனப்பான்மை என்பது பிச்சைகாரர்களுக்கு காசு போடுவது, முதியவர்களுக்கு சாலையை கடப்பதற்கு உதவுவது, பஸ்ஸில் பெரியவர்கள் நின்றுவந்தால் அவர்கள் உட்காருவதற்கு நம் இருக்கையை அளிப்பது என சிறுசிறு உதவிகள்தான் என்னை பொருத்தவரை சேவை மனப்பான்மை. பசித்தவனுக்கு மீனை கொடுத்து, பிறகு அதை எப்படி பிடிப்பது என கற்று கொடுக்கும் ரகம் நான். ஆனால் சிலரின் மனமுதிர்ச்சி கண்டு வியர்ந்திருக்கிறேன். உடல் முழுவதும் காயங்களாக, பார்க்கவே அருவருப்பாக இருந்த ஒரு சிறுவனை கண்டு ஒதுங்கியபோது, பேருந்தின் பக்கத்து இருக்கையில் அமர்ந்திருந்த ஒருவர் அச்சிறுவனை தன் மடியில் அமர்த்திகொண்டார். கொஞ்சம் ஜெர்காகிதான் போனேன். அம்மனிதரின் மனபக்குவத்தை வியந்தேன். குஷ்டரோகிகளின் புண்களை சுத்தமாக்கிய அன்னை தெரசாவின் சேவையை அவ்வப்போது நினைத்துபார்ப்பதுண்டு. சேவை என்னும் சொல்லுக்கு அவர்தான் அகராதி. உதவிகள் என்றும் சேவை ஆகாது என்று பின்பு உணர்ந்தேன்.

ஏப்ரல் 13 ம் தேதி மக்களுக்கு சேவை செய்யும் ஒருவரை நம் தொகுதியிலிருந்து தேர்வு செய்யவேண்டும் என தேர்தல் ஆணையம் அறிவுறுத்தியிருக்கிறது. is it.. hey dont worry ya.. why are you crying.. leave it.. be happy.. cool down, cool down, cool down

வெள்ள பாதிப்புக்கு தீர்வு

2011-02-15T20:47:00.000+05:30

கொள்ளிடக்கரையை மேம்படுத்தும் பணிக்காக, வீராணம் ஏரியில் மண் எடுக்க, ஏரியில் வளர்ந்துள்ள காடுகள் தீ வைத்து அழிக்கப்படுகின்றன.

வெள்ள பாதிப்புக்கு நிரந்த தீர்வு காணும் வகையில் கடலூர் மாவட்டம், கொள்ளிடம் ஆற்றின் கரையை மேம்படுத்தி, சாலை அமைக்கும் பணி நடந்து வருகிறது. தற்போது, 108 கோடி ரூபாயில் அணைக்கரையில் இருந்து முகத்துவாரம் வரை பணிகள் நடக்கின்றன. இப்பணிக்காக, வீராணம் ஏரியின் மேல்கரையில், கருணாகரநல்லூர் பகுதியில் மண் எடுக்கப்படுகிறது. வீராணம் ஏரியில் மற்ற பகுதியிலும் மண் எடுப்பதற்கு வசதியாக, ஏரியின் உட்பகுதியில் புதர் மண்டியிருந்த காடுகள் அகற்றும் பணி துவங்கியுள்ளது. இதன் துவக்கமாக, ஏரியின் உட்புறம் உள்ள அடர்ந்த காடுகள் தீயிட்டு கொளுத்தப்பட்டு வருகின்றன.

நன்றி:மஜாகார்த்தி www.cuddalore-news.blogspot.com

வாழ்க இந்தியா! வளர்க ஜனநாயகம்

2011-02-09T21:49:00.001+05:30

பண்ருட்டி பஸ் நிலையத்தில் இரு கைகளிலும் குளுக்கோஸ் ஏற்றிய நிலையில் வயிற்றுப்போக்கு நோயால் பாதிக்கப்பட்ட இளைஞருடன் அவரது பெற்றோர்கள் நின்ற செய்தியைத் தொடர்ந்து இணை இயக்குநர் (பொறுப்பு) டாக்டர் ராமச்சந்திரன் பண்ருட்டி அரசு மருத்துவமனையில் செவ்வாய்க்கிழமை விசாரணை நடத்தினார்.

பண்ருட்டி வட்டம் ஏரிப்பாளையம் கிராமத்தைச் சேர்ந்தவர் நாகராஜின் மகன் பாண்டியன் (12). வயிற்றுப்போக்கு நோயால் பாதிக்கப்பட்ட பாண்டியனை சிகிச்சைக்காக திங்கள்கிழமை பண்ருட்டி அரசு மருத்துவமனைக்கு அழைத்து சென்றுள்ளனர்.

பாண்டியனுக்கு சிகிச்சை அளித்த மருத்துவர் அவனது நிலை மோசமாக இருந்ததால் இரு கைகளிலும் குளுக்கோஸ் ஏற்றி மேல்சிகிச்சைக்கு கடலூர் அரசு பொது மருத்துவமனைக்கு கொண்டு செல்ல வேண்டும் என கூறியுள்ளனர்.

நோயால் பாதிக்கப்பட்ட தனது மகனை ஆம்புலன்ஸ் மற்றும் ஆட்டோவில் அழைத்து செல்ல வசதி இல்லாததால் பண்ருட்டி பஸ் நிலையத்தில் பஸ்ஸýக்காக காத்திருந்தனர்.

திங்கள்கிழமை முகூர்த்த தினமானதால் பஸ்களில் கூட்டம் அதிகரித்து காணப்பட்டதால் இளைஞரை பஸ்ஸில் ஏற்ற முடியாமல் பல மணி நேரம் காத்திருந்தனர்.

பண்ருட்டி பஸ் நிலையத்தில் நோயால் பாதிக்கப்பட்ட மகனுக்கு ஏற்றப்பட்ட குளுக்கோஸ் பாட்டிலுடன் பெற்றோர்கள் இருந்த செய்தி நாளிதழில் வெளியானது.

இதைத் தொடர்ந்து கடலூர் இணை இயக்குநர் (பொறுப்பு) டாக்டர் ராமச்சந்திரன் செவ்வாய்க்கிழமை பண்ருட்டி அரசு மருத்துவமனைக்கு வந்து 2 மணி நேரத்துக்கு மேலாக விசாரணை நடத்தினார்.

விசாரணையின் போது தலைமை மருத்துவர் மலர்கொடி, மருத்துவர் எழில் உள்ளிட்ட மருத்துவர்கள் உடனிருந்தனர்.

நன்றி:தினமணி

கையில் குளுக்கோஸ் பாட்டில்களுடன், தன் மகனின் உயிரை காக்க, கடலூர் பேருந்துக்கு நிற்கும் அந்த பெற்றோரின் நிலையை அரசோ அல்லது அதனுடைய ஊழியர்களோ என்றும் கண்டுகொள்ள மாட்டார்கள். ஏன் சக பயணிகள் மற்றும் உடனிருப்பவர்களுக்குமா இதயம் கல்லாகிபோனது. 108, 100
எல்லாம் என்ன செய்து கொண்டிருந்தார்கள்.

கைவிடப்பட்ட முதியவர் பேருந்து நிலையத்தில் இறந்துபோய், ஈ மொய்க்கும் அளவுக்கு ஆனபோதும் கூட சுற்றியுள்ள கடைகளின் முதலாளிகள் மற்றும் பயணிகள் யாரும் கண்டு கொண்டுள்ளாமல் அவரவர் வேலையில் மும்முரமாக இருந்த காட்சியை திருவண்ணாமலை மற்றும் சிதம்பரத்தில் நேடியாகவே பார்த்திருக்கிறேன். அடுத்தவர்களுக்கு நடக்கும் வரை அது வேடிக்கைதான். அடுத்தவர்களை தன் தாயாகவோ, தந்தையாகவோ, தன் மக்களாகவோ நினைக்கும் மன பக்குவம் நமக்கு இப்பொழுதைக்கு வராது. அட்லீஸ்ட் ஒரு மனிதனாக கூடவா பார்க்க கூடாது.

இந்திய நாட்டில் மக்கள் மலிந்து கிடக்கிறார்கள். அதனால் மலிவாகி, மண்ணாகி போகிறார்கள். மகத்தான மனித வளத்தை சரியாக உபயோகப்படுத்த தெரியாத கையாலாகாத அரசுகள் இருக்கும்வரை, நாயை போல் நடுரோட்டில் மனிதன் செத்துகிடப்பான், தங்க வளையம் டாலடிக்க நாய்கள் ஜாக்கிங் போகும்.

இந்தியாவின் இதயம் கிராமங்களில் இருக்கிறது என்று சொன்ன காந்தி, அதன் மூளை மாநகரங்களில் இருக்கிறது என்று சொல்லாமல் போய்விட்டார். செத்த மூளைக்கு ரத்தம் பாய்ச்சும் இதயங்களின் துடிப்பு, மருத்துவ துறையில் கடைசி நிலை. ஆனால் ஜனநாயக 'துரை'யில் அது கட்டாய நிலை.

வாழ்க ஜனநாயகம், வளர்க இந்தியா

கூரையில் பயணம்

2011-02-08T21:30:00.000+05:30

காட்டுமன்னார்கோவில் - சிதம்பரத்திற்கு காலை நேரங்களில் கூடுதல் பஸ் இன்றி ஆபத்தான கூரைப்பயணத்தால் விபத்துகள் நிகழ்கிறது. காட்டுமன்னார்கோவில்பகுதியைச் சுற்றி 50க்கும் மேற்பட்ட கிராமங்கள் உள்ளன.

இக்கிராமங்களைச் சேர்ந்த பொதுமக்கள் அத்தியவாசிய தேவைகளுக்காகவும், பள்ளி, கல்லூரி மற்றும் பணிக்கு செல்பவர்கள் தினமும் சிதம்பரம், கடலூர் பகுதிக்குச் சென்று வருகின்றனர். ஆனால், அதற்கேற்ப காலை நேரத்தில் போதுமான பஸ் வசதி இல்லை. குறைந்த எண்ணிக்கையில் வரும் பஸ்களில் தான் செல்ல வேண்டும் என்ற நிலையில் பஸ் படிக்கட்டில் தொற்றிக் கொண்டும், கூரை மீதும் மாணவர்கள், பொதுமக்கள் என அனைவரும் ஆபத்தான பயணத்தை மேற்கொள்கின்றனர்.

எதிர்பாராதவிதமாக விபத்து ஏற்பட்டு சாலையோரத்தில் செல்லும் பாசன வாய்க்காலில் பஸ் கவிழுமானால் பெரும் விபத்து ஏற்படுவதை தவிர்க்க முடியாததாகி விடும். அதிகாரிகள், காலை நேரங்களில் கூடுதல் பஸ்களை இயக்க நடவடிக்கை எடுக்க வேண்டும்

நன்றி:மஜாகார்த்தி www.cuddalore-news.blogspot.com

சொல்ல நினைத்த கதை - 3

2011-02-06T22:47:00.002+05:30

பூலோக சொர்க்கம் - இது அனேகமாக இறைவன் இந்த பூமிக்கு வைத்திருக்கம் டேக் லைனாக இருந்திருக்கும். பூலோகத்தில் மனிதனை தவிர பல கோடி ஜீவராசிகள் வாழ்கின்றனவே? அதனுடைய வாழ்வை அது சொர்க்கமாக நினைக்கிறதா? நினைக்கும். தான் இறையாகவரை

புலி இல்லாத காடு மானுக்கும், பாம்பு இல்லாத தரைவெளி எலிக்கும், பல்லி இல்லாத இடம் பூச்சிக்கும், சொர்க்கமே. இறையாதல் என்பது அதனுடைய வாழ்வில், பிறந்த முதல் நாளிலிருந்து தொடரும் ஒரு கண்ணாமூச்சி விளையாட்டு. தாகத்திற்கு தண்ணீர் பருக தடாகம் சென்றால் அங்கு தன்னை கொல்லும் முதலையோ, அனகோண்டோவோ உண்டு என்பதை அது மறப்பதில்லை. இறைக்காக ஒரு மாதம் அளவில் சாப்பிடாமல், ஒரே இடத்தில் இருந்து கொண்டு கண்கானித்து தன்னை விழுங்கும் அனகோண்டோ பாம்பின் விழிப்புணர்வை எந்த மானும் அறிவதில்லை. வாழ்க்கை என்பதே அவற்றுக்கு ஒரு Probability. ஆகவே மற்ற ஜீவராசிகளின் வாழ்க்கை எப்பொழுதும் வலிமையானவர்களுக்கு வாழ்க்கை, இயலாதவர் இறையாக்கபடுவர்
என்பதை கொண்டு நிர்ணயிக்கப்படுகிறது.

டைனோசர் காலத்து பிந்திய, உலக ஜீவராசிகளில் முதன்மையான ஒரு பிறவியான மனிதனுக்கு சொர்க்கம் என்பது உள்ளங்கை நெல்லிக்கனியாக இருந்திருக்க வேண்டியது. ஆனால் இப்பொழுது இல்லை எனும்பொழுது எங்கே நாம் கையை விரித்தோம், நாம் தவறவிட்ட அந்த கனி எங்கே விழுந்து இப்படி விருட்சமாக நம் முன்னால் நிற்கிறது, அதை எப்படி மீண்டும் நாம் அடைய போகிறோம்? என நினைக்க தோனும் அல்லவா.?

அங்கேதான் திருவிளையாடல் ஆரம்பிக்கிறது.

ரூ.84 லட்சம் செலவில் சாலை பணிகள்

2011-02-03T22:02:00.000+05:30

காட்டுமன்னார்கோவில் பேரூராட்சி பகுதியில் சிறப்பு சாலைத் திட்டத்தின் கீழ் 84 லட்சம் ரூபாய் செலவில் சாலைகள் போடும் பணி நடந்து வருகிறது. காட்டுமன்னார்கோவில் பேரூராட்சி பகுதியில் சிறப்பு சாலை திட்டத்தின் கீழ் சிமென்ட் சாலை போட 85 லட்சம் ரூபாய் நிதி ஒதுக்கீடு செய்யப்பட்டு டெண்டர் விடப்பட்டது.

அதனைத் தொடர்ந்து பணிகள் துவங்கி நடந்து வருகிறது. டி.கே.பி. நகர், ஜெயராம் நகர், காளியம்மன்கோவில் தெரு, பெரியார் நகர், அண்ணா நகர், ஆர்.சி. தெரு உள்ளிட்ட 13 தெருக்களில் சிமென்ட் சாலை போடும் பணி படிப்படியாக துவங்கப்பட உள்ளது. மேலும் பேரிடர் தடுப்பு மேலாண்மை திட்டத்தின் கீழ் சிறப்பு சாலை போட 55 லட்சம் ரூபாய் நிதி ஒதுக்கீடு செய்யப்பட்டுள்ளது. இதற்கான டெண்டர் சில நாட்களில் விடப்படும் என்பதால் அதில் உப்புக்கார தெரு, காந்தியார் தெரு, பெரியார் நகர் தெரு, அண்ணா நகரில் கருணாநிதி தெரு உள்ளிட்ட 7 சாலைகள் அந்த நிதியில் போடப்பட உள்ளதாக பேராட்சி அதிகாரிகள் தெரிவித்தனர்.

நன்றி:மஜாகார்த்தி www.cuddalore-news.blogspot.com

வாக்காளர் பட்டியல்-ஆட்சியர் அறிவிப்பு

2011-02-01T23:50:00.000+05:30

வாக்காளர் பட்டியலில் பெயர் சேர்க்கவும், திருத்தம் செய்யவும் விண்ணப்பிக்கலாம்.

கலெக்டர் சீத்தாராமன் விடுத்துள்ள செய்திக்குறிப்பு:

எதிர்வரும் சட்டசபை தேர்தலை முன்னிட்டு வாக்காளர் பட்டியலை தொடர் சுருக்க முறை திருத்தப் பணி மேற்கொள்ள தேர்தல் ஆணையம் அறிவுறுத்தியுள்ளது. அதனையொட்டி மாவட்டத்தில் உள்ள 9 சட்டசபை தொகுதிகளில் வாக்காளர் பட்டியில் பெயர் விடுபட்டவர்கள், தொகுதி மாற்றம், நீக்கல் மற்றும் திருத்தம் செய்ய விரும்புபவர்கள் உரிய படிவங்களை பூர்த்தி செய்து சமர்ப்பிக்கலாம்.

படிவங்களை அந்தந்த பகுதிகளில் உள்ள நகராட்சி மேலாளர், தாலுகா அலுவலகங்களில் தலைமையிட துணை தாசில்தார் அல்லது ஆர்.டி.ஓ.,வின் நேர்முக உதவியாளர்களிடம் தேர்தல் அறிவிப்பு வெளியாகி, வேட்பு மனுத்தாக்கல் முடிவதற்கு 10 நாட்களுக்கு முன்பு வரை கொடுக்கலாம் என செய்திக்குறிப்பில் கூறப்பட்டுள்ளது.

படிவங்கள் தரவிறக்க

Forms	Forms Details
Form 6 Form 6 (Tamil)	Application for inclusion of name in electoral roll after draft publication of roll (if your name is not included in the draft roll).
Form 7 Form 7 (Tamil)	Application for objection to inclusion of name in electoral roll.
Form 8 Form 8 (Tamil)	Application for correction of particulars in electoral roll.
Form 8A Form 8A (Tamil)	Application for transposition of entry in electoral roll.
Form 001C Form 001C (Tamil)	Application for obtaining duplicate / Replacement EPIC

நன்றி:மஜாகார்த்தி:cuddaore-news.blogspot.com

சம்பா நெல் விலை கடும் வீழ்ச்சி

2011-01-25T21:51:00.000+05:30

கடலூர், ஜன. 24: கடலூர் மாவட்டத்தில் சம்பா நெல் விலை கடுமையாக வீழ்ச்சி அடைந்து உள்ளதால், நெல்லை சேமித்து வைத்து, உரிய விலை கிடைக்கும் காலத்தில் விற்பனை செய்ய வசதியாக, சேமிப்புக் கிடங்கு வசதிகளை அரசு உடனடியாகச் செய்து கொடுக்க வேண்டும் என்று விவசாயிகள் கோரிக்கை விடுத்தனர்.

கடலூர் மாவட்டத்தில் காவிரி டெல்டா பாசனப் பகுதிகளில் 1.24 லட்சம் ஏக்கர் உள்பட 2.5 லட்சம் ஏக்கரில் சம்பா நெல் சாகுபடி செய்யப்பட்டு உள்ளது. தற்போது காட்டுமன்னார்கோவில், சேத்தியாத்தோப்பு, ஸ்ரீமுஷ்ணம், வடவாறு பாசனப் பகுதிகள் பெண்ணாடம், கறிவேப்பிலங்குறிச்சி பகுதிகளில் 40 ஆயிரம் ஏக்கரில் நெல் அறுவடை தொடங்கி விட்டது. இதுவரை 15 ஆயிரம் ஏக்கரில் அறுவடை முடிவடைந்து விட்டது. நெல் கொள்முதல் செய்ய தமிழ்நாடு நுகர்பொருள் வாணிபக் கழகம் மூலம், 112 அரசு நேரடி நெல் கொள்முதல் நிலையங்கள் திறக்கப்பட்டு உள்ளன.

இந்நிலையில் நெல் வியாபாரிகள் அறுவடை இயந்திரங்களுடன், நெல் கொள்முதலில் களத்தில் இறங்கி உள்ளனர். தற்போது அறுவடை ஆகும் சன்னரக நெல்லுக்கு, அரசு நேரடிக் கொள்முதல் நிலையங்களில் குவிண்டாலுக்கு ரூ. 1,100 வழங்கப்படுகிறது. இதன் அடிப்படையில் விவசாயிகளுக்கு கிலோவுக்கு ரூ. 10 முதல் ரூ. 11 வரை தற்போது விலை கிடைக்கிறது. ஆனால் தனியார் நெல் வியாபாரிகள், சன்னரகம் மூட்டை (62 கிலோ) ரூ. 628-க்கு கொள்முதல் செய்கிறார்கள் (கிலோ விலை சுமார் ரூ. 11). பொதுவாக சம்பா அறுவடை காலத்தில் சன்னரக நெல்லுக்கு அரசு கொள்முதல் நிலையங்களைவிட, தனியார் வியாபாரிகள் குறைந்தது ரூ. 100 ஆவது கூடுதல் விலை கொடுத்து கொள்முதல் செய்வார்கள்.

மேலும் டிசம்பர் மாதத்தில் பி.பி.டி. நெல் (பழையது) குவிண்டால் ரூ. 1,500-க்கு விவசாயிகள் விற்பனை செய்து உள்ளனர். எனவே இவற்றை ஒப்பிட்டுப் பார்க்கும்போது, தற்போது தனியார் வியாபாரிகளின் கொள்முதல் விலை, அடிமாட்டு விலை என்றும், நெல் சாகுபடிச் செலவைக் கணக்கிட்டால் இந்த விலை கட்டுபடியாகாது என்றும் கூறுகிறார்கள் விவசாயிகள். களத்துக்கே வந்து தனியார் கொள்முதல் செய்கிறார்கள் என்பதைவிட, அரசு கொள்முதல் நிலையங்களைவிட எந்த வகையிலும் தனியார் வியாபாரிகளால் விலையில் ஆதாயம் இல்லை என்றும் விவாயிகள் கூறுகிறார்கள். எனவே நெல்லை சேமித்து வைத்து நியாயமான விலை கிடைக்கும் காலத்தில் விற்பனை செய்வதற்கு ஏற்றவகையில், அரசு சேமிப்புக் கிடங்கு வசதிகளை மேம்படுத்துவதைத் தவிர வேறுவழியில்லை என்கிறார்கள் விவசாயிகள்.

இது குறித்து மாவட்ட உழவர் மன்றங்களில் கூட்டமைப்பின் தலைவர் பி.ரவீந்திரன் கூறுகையில், "சன்னரக நெல் விலை கடுமையாக வீழ்ச்சி அடைந்து உள்ளது. விவசாயிகளுக்கு நியாயமான விலை கிடைக்க, மத்திய மாநில அரசுகளின் சேமிப்புக் கிடங்குகள், தொடக்க வேளாண்மை கூட்டுறவு சங்கங்களில் சேமிப்பு வசதிகளை மேம்படுத்த வேண்டும். இங்கு சேமிக்கும் விவசாயிகளுக்கு விளைப் பொருளின் அடக்க விலையில் 90 சதவீதம் கடன் வழங்கப்படுகிறது. இந்த வசதியை விரிவுபடுத்த வேண்டும். நெல்லுக்கு மத்திய அரசு அறிவித்து இருக்கும் கூடுதல் விலை அடிப்படையில் தமிழகத்தில் நெல் விலையை உயர்த்த வேண்டும்' என்றார்.

காவிரி டெல்டா விவசாயிகள் சங்க துணைத் தலைவர் கண்ணன் கூறுகையில், "டிசம்பர் மாதத்தில் சன்னரக நெல் குவிண்டாலுக்கு ரூ. 1,500 கிடைத்தது. ஆனால் தற்போது ரூ.1,100-க்கு மேல் கிடைக்கவில்லை. தனியார் வியாபாரிகள் நெல் வாங்கவே தயக்கம் காட்டுகிறார்கள். காரணம் கர்நாடக மாநிலத்தில் இருந்து சன்னரக நெல்லும் அரிசியும் வந்து குவிந்து கொண்டு இருக்கிறது. சன்னரக நெல் குவிண்டால் ரூ. 1,100-க்கு கொள்முதல் செய்தால் அதில் இருந்து கிடைக்கும் அரிசி விலை, மூட்டைக்கு லாபம் ரூ. 250 உள்பட கிலோ ரூ. 20 தான். ஆனால் சந்தையில் சன்னரக அரிசி விலை, கிலோவுக்கு ரூ. 30-க்குக் கீழ் குறையவில்லை. அந்த விலை விவசாயிக்குக் கிடைக்கவில்லையே. காரணம் இடைத்தரகர்கள். தற்போது நெல் கொள்முதல் செய்பவர்கள் பெரும்பாலும் இடைத்தரகர்கள்தான். குறைந்தபட்சம் மத்திய அரசு அறிவித்து இருக்கும் புதிய விலை அடிப்படையில், தமிழக அரசு நெல் கொள்முதல் விலையை உயர்த்த வேண்டும்' என்றார்.

நன்றி:தினமணி

இலங்கை அகதிகள் முகாமில் ஆய்வு

2011-01-21T20:30:00.000+05:30

காட்டுமன்னார்கோவில் அருகே உள்ள இலங்கை அகதிகள் முகாமை அகதிகள் மறுவாழ்வு துணை இயக்குநர் ஜெயக்குமார் வியாழக்கிழமை ஆய்வு மேற்கொண்டார்.காட்டுமன்னார்கோவில் அருகே குப்பங்குழியில் இலங்கை அகதிகள் முகாம் உள்ளது. இங்கு 72 குடும்பங்களைச் சேர்ந்த 251 பேர் வசித்து வருகின்றனர். இவர்களது நீண்ட நாள் கோரிக்கை தனி வீடு கட்டித் தர வேண்டும் என்பதாகும். இவர்களது கோரிக்கையை ஏற்று அரசு அருகில் உள்ள மார்க்கெட்டிங் கமிட்டிக்கு சொந்தமான இடத்தில் ரூ.75 லட்சம் செலவில் 75 வீடுகள் கட்டித் தர முடிவு செய்தது.

அதற்கான இடத்தை மார்க்கெட்டிங் கமிட்டியிடம் இருந்த பெற ஒப்புதலுக்கு அனுப்பப்பட்டுள்ளது. இந்நிலையில் அகதிகள் மறுவாழ்வு துணை இயக்குநர் ஜெயக்குமார் வியாழக்கிழமை அகதிகள் முகாமையும், வீடு கட்டித் தருவதற்காக தேர்வு செய்யப்பட்ட இடத்தையும் வியாழக்கிழமை பார்வையிட்டு ஆய்வு மேற்கொண்டார்.

பின்னர் முகாமில் அகதிகளிடம் குறைகளை கேட்டறிந்தார். அப்போது கல்விக் கடன் வழங்க வேண்டும். கூடுதலாக மண்ணெண்ணெய் வழங்க வேண்டும். தரமான ரேஷன் அரிசி வழங்க வேண்டும் என்ற கோரிக்கைகளை தெரிவித்தனர். இணை இயக்குநருடன் நேர்முக உதவியாளர் சந்திரசேகரன், வட்டாட்சியர் (அகதிகள் மறுவாழ்வு) ராஜகோபால், புதுச்சேரி பல்நோக்கு சமூக சேவா சங்க இயக்குநர் ஆல்பர்ட். பொது மேலாளர் ரோக் உள்ளிட்டோர் உடன் சென்றனர்.

நன்றி:தினமணி

விவசாயிகளுக்கு நிவாரணம்

2011-01-13T20:08:00.000+05:30

காட்டுமன்னார்கோவில் அருகே உள்ள மோவூர் கிராம தொடக்க வேளாண் கடன் சங்க சொசைட்டி அலுவலகத்தில் பாதிக்கப்பட்ட விவசாயிகளுக்கு தமிழக அரசு அறிவித்த வெள்ள நிவாரணத் தொகை வழங்கும் நிகழ்ச்சி செவ்வாய்க்கிழமை நடைபெற்றது.

10 கிராமங்களைச் சேர்ந்த பாதிக்கப்பட்ட விவசாயிகளுக்கு பயிர் பாதிப்பு அளவின்படி வெள்ள நிவாரணத் தொகை வழங்கும் நிகழ்ச்சி தொடங்கியது. வங்கி தனி அலுவலர் வி.ராதாகிருஷ்ணன் நிவாரணத் தொகையை காசோலையாக வழங்கினார். இந்நிகழ்ச்சியில் வங்கி செயலர் குருநாதன், உதவிச் செயலர் மாறன் மற்றும் வங்கி பணியாளர்கள் பங்கேற்றனர்.

நன்றி:தினமணி

புதுத்தெருவிலிருந்து...

2011-01-10T22:14:00.001+05:30

மும்பையிலிருந்து நண்பர் திரு.முருகன் அவர்கள் தினமலரில் வந்த ஒரு செய்தியை எனக்கு மெயில் அனுப்பி இருந்தார். அது நம்மூரின் புதுத்தெருவில் இருந்து என்பதுதான் ஹைலைட். நன்றி திரு.முருகன்.

தினமலர், தினத்தந்தி செய்திகளை நான் பதிவதில்லை என்பதால் இதோ அந்த லிங்க http://www.dinamalar.com/News_Detail.asp?Id=162688

வந்தார், வென்றார்

2011-01-07T22:42:00.000+05:30

இன்று ஆளுனர் உரையில் வந்திருக்கும் தித்திப்பான செய்தி கடலூர் மாவட்டத்தில் புதிய அரசு மருத்துவ கல்லூரி அமைக்கப்பெறும் என்பதுதான். காட்டுமன்னார்கோயிலில் இதனை வெடிவெடித்து கொண்டாடியதாக செய்தி. இதற்காக திரு.எம்.ஆர்.கே.பன்னீர்செல்வம் அவர்களை எவ்வளவு பாராட்டினாலும் தகும்.

கடந்த பல மாதங்களாக மஜாகார்த்தி தன் ப்ளாக்கில் கடலூர் மாவட்ட மக்களின் கோரிக்கை என வரிசைபடுத்தியுள்ள 3 திட்டங்களில் நான் வாக்களித்தது மருத்துவ கல்லூரிக்குதான். இன்று அது நிஜமாகவே பலித்துவிட்டது. வாழ்த்துக்கள் நண்பரே.

ஜூலியன் அசான்ஜே காலத்தில் இப்படியுமா?

2011-01-07T00:33:00.000+05:30

முட்டத்தில் புதிய மின் பொறியாளர் அலுவலகத்தை எம்.ஆர்.கே. பன்னீர்செல்வம் இந்த மாதம் 2ம் தேதி திறந்து வைத்தார் என்ற செய்தியை தினத்தந்தியின் கடலூர் மாவட்ட தளத்தில் பார்த்தேன். இந்த அலுவலகத்தால் 30 கிராமங்கள் பயன்பெறும் என்பது ஹைலட். இந்த செய்தியை நம் ப்ளாக்கில் போடலாமே என நினைத்து முயற்சித்தபோது அவர்களின் காப்பிரைட் உரிமை என்னை தடுத்தது. சரி இந்த ஒரு செய்திக்கு மட்டும் அனுமதி கேட்டு பார்ப்போமே என நேற்று மெயில் அனுப்பினேன். ஆனால் எந்த ஒரு பதிலும் இல்லை. 3ம் தேதி வந்த ஒரு செய்திக்கு அனுமதி கேட்டு 4ம் தேதி எழுதுகிறேன். 5ம் தேதி வரை ரிப்ளை இல்லை என்றால் அந்த செய்தியை நான் பப்ளிஷ் செய்தாலும் உபயோகமில்லையே.

தினமணி நிர்வாகிகளிடம் அனுமதி கேட்டு எழுதிய மெயிலுக்கு அடுத்த நாளே சில நிபந்தனைகளுடன் அவர்கள் அனுமதி அளித்தனர். வீராணம் பற்றி ஜெயமோகன் கட்டுரைக்கு அவர் உடனே அனுமதி அளித்தார். ஆனால் தினத்தந்தியும், தினமலரும் யாருக்கும் அனுமதி வழங்குவதில்லை என்பது இரண்டாம் முறையாக தெளிவாகிறது. புதிய எழுத்துரு, காப்பி புரொடக்ஷன், காப்பிரைட் என பத்திரிக்கையை இண்டர்நெட்டில் நடத்துபவர்கள் இன்னும் இந்த விக்கிலீக்ஸ் காலத்தில் இருக்கிறார்களே என நினைக்கும்போது....புல்ஷிட்

கடலூர் பகுதியில் நேற்று திடீர் மழை

2011-01-05T20:46:00.001+05:30

வங்க கடலில் உருவான புயல் சின்னம் காரணமாக கடந்த மாதம் கன மழை நீடித்தது.

இதனால் கடலூர், சிதம்பரம், காட்டுமன்னார்கோவில் பகுதிகள் வெள்ளத்தால் கடுமையாக பாதிக்கப்பட்டது. வெள்ள சேத பகுதிகளை மத்தியகுழுவினர் கணக்கெடுத்து உள்ளனர். தற்போது வெள்ளம் வடிந்த நிலையில் கடலூர் மற்றும் அதனை சுற்றி உள்ள பகுதியில் நேற்று காலை திடீர் என மழை பெய்தது. இதன் காரணமாக அலுவலகம் மற்றும் பள்ளிக்கு செல்லும் மாணவ- மாணவிகள் பாதிக்கப்பட்டனர். இதே போல நெய்வேலி, பண்ருட்டி ஆகிய பகுதியிலும் லேசான சாரல் மழை பெய்தது.

நன்றி:மஜாகார்த்தி www.cuddalore-news.blogspot.com

காவல் நிலையம் இடம் மாறியது

2011-01-04T20:34:00.001+05:30

குமராட்சியில் எப்போது வேண்டுமானாலும் இடிந்து விழலாம் என்ற நிலையில் இயங்கி வந்த போலீஸ் ஸ்டேஷன் தனியார் வாடகை கட்டத்திற்கு மாற்றப்பட்டதால் போலீசார் நிம்மதியடைந்தனர்.

சிதம்பரம் அடுத்த குமராட்சி போலீஸ் ஸ்டேஷன் கடந்த 1939ம் ஆண்டு கட்டப்பட்டு ஒட்டு கட்டடத்தில் கடந்த 71 ஆண்டுகளாக இயங்கியது. பாழடைந்த அந்த கட்டடம் எந்த நேரத்திலும் இடிந்து விழும் நிலையில் இருந்தது. மழையில் கட்டடத்தில் ஒழுகியதால் நிற்பதற்கு கூட இடமின்றி தஸ்தாவேஜிகளை பாதுகாக்க போலீசார் படாதபாடு பட்டுவந்தனர். அத்துடன் கட்டடத்தில் அடிக்கடி பாம்புகள் நடமாட்டம் போலீசாரை அச்சுறுத்தி வந்தது. கடந்த சில ஆண்டுகளாகவே கட்டடம் மிக மோசமான நிலைக்கு மாறி போலீசார் அச்சத்துடனே பணிபுரிந்து வந்தனர்.

புதிய கட்டடம் கட்ட வேண்டும் என்ற நீண்ட நாள் கோரிக்கை நிறைவேற்றப்பட்டு நிதி ஒதுக்கீடு செய்யப்பட்டது. இதற்கிடையே கடந்த 1ம் தேதி முதல் போலீஸ் ஸ்டேஷன் குமராட்சி அக்ரகாரத் தெருவிற்கு மாற்றம் செய்யப்பட்டு செயல்பட துவங்கியுள்ளது. குமராட்சி போலீஸ் ஸ்டேஷன் இடமாற்றம் செய்யப்பட்டதால் ஸ்டேஷனில் பணிபுரியும் போலீசார் நிம்மதியடைந்தனர்.

நன்றி:மஜாகார்த்தி www.cuddalore-news.blogspot.com

தொடரும் சாலை மறியல்கள்

2011-01-03T22:09:00.000+05:30

சிதம்பரம், காட்டுமன்னார்கோவில் வட்டங்களில் வெள்ள நிவாரணம் முழுமையாக வழங்கப்படாததால் தினமும் பல்வேறு கிராமங்களில் தொடர் சாலை மறியல் நடைபெற்று வருகிறது. கனமழை மற்றும் வெள்ளத்தால் சிதம்பரம், காட்டுமன்னார்கோவில் வட்டங்களில் சுமார் 100-க்கும் மேற்பட்ட கிராமங்களை வெள்ளநீர் சூழ்ந்தது.

சுமார் 1.50 லட்சம் ஏக்கரில் பயிரிடப்பட்ட சம்பா நெற்பயிர்கள் நீரில் மூழ்கின. 25ஆயிரம் ஏக்கர் நிலங்களில் பயிரிடப்பட்டு நெற்பயிர் முற்றிலும் அழுகியது. இந்நிலையில் தமிழக அரசு வெள்ள நிவாரணம் வழங்குவதாக அறிவித்து கணக்கெடுப்பு நடத்தியது.வெள்ள நீர் வீட்டுக்குள் புகுந்த வீடுகள் மட்டும் கணக்கெடுக்கப்பட்டது. அதுபோன்று 50 சதவீதத்துக்கு மேல் பயிர்கள் பாதிக்கப்பட்ட நிலங்கள் மட்டும் கணக்கெடுக்கப்பட்டன. இதனால் பொதுமக்களும், விவசாயிகளும் கடும் அதிருப்தி அடைந்துள்ளனர்.

கடந்த 2005-ம் ஆண்டு அதிமுக ஆட்சியின் வெள்ளத்தின் போது வெள்ளநீர் சூழ்நத் கிராமங்களில் அனைத்து வீடுகளுக்கும் தலா |1,500 வழங்கப்பட்டது. பயிர் நிவாரணமும் அனைவருக்கும் வழங்கப்பட்டது. தற்போது அனைவருக்கும் நிவாரணம் வழங்கப்படாததால் கடலூர் மாவட்டத்தில் குறிப்பாக சிதம்பரம், காட்டுமன்னார்கோவில் பகுதியில் நாஞ்சலூர், ஒரத்தூர், சி.சாத்தமங்கலம், வண்டுராயன்பட்டு, காட்டுமன்னார்கோவில் உள்ளிட்ட பல்வேறு இடங்களில் சாலை மறியல் போராட்டம் நடைபெறுவது வாடிக்கையாகிவிட்டது.

வருவாய்த்துறையினரும், போலீஸôரும் தினந்தோறும் அவர்களை சமாதானப்படுத்தி வருகின்றனர். அனைவருக்கும் வெள்ள நிவாரணம் வழங்கக்கோரி அதிமுக, தேமுதிக, கம்யூனிஸ்ட் கட்சிகள், விவசாய சங்கங்கள் ஆர்பாட்டம் மற்றும் தெருமுனை பிரசாரக் கூட்டங்களை தொடர்ந்து நடத்தி வருவதால் திமுக அரசின் மீது கடலூர் மாவட்ட மக்களும், விவசாயிகளும் கடும் அதிருப்தியில் உள்ளனர். எனவே தமிழக அரசு பாதிக்கப்பட்ட அனைவருக்கும் நிவாரணம் வழங்க ஆணை பிறப்பிக்க வேண்டும் என தமிழக உழவர் முன்னணி கடலூர் மாவட்டத் தலைவர் சி.ஆறுமுகம் வலியுறுத்தியுள்ளார்.

நன்றி:தினமணி

45.5 நீர்மட்டம் தொடரந்து நீடிக்கிறது

2011-01-03T21:57:00.000+05:30

கடலூர் மாவட்டம் காட்டுமன்னார்கோவில் அருகே வீராணம் ஏரி உள்ளது. இந்த ஏரியின் மூலம்சிதம்பரம், காட்டுமன்னார்கோவில் ஆகிய தாலுகாக்கள் பாசன வசதி பெறுகின்றன. அதோடு சென்னை நகரின் குடிநீர் தேவையையும் பூர்த்தி செய்கிறது. கடந்த மாதம் பெய்த கனமழையால் வீராணம் ஏரிக்கு வரலாறு காணாத அளவுக்கு தண்ணீர் வரத்து இருந்தது.
இதனால் ஏரிக்கு வெள்ளஅபாயம் ஏற்பட்டதால் வருகின்ற தண்ணீர் அனைத்தும் திறந்து விடப்பட்டது. இதன் காரணமாக விளை நிலங்கள் வெள்ளத்தில் மூழ்கியது. தற்போது மழை வெள்ளம் வடிந்து வருகிறது. ஆனாலும் ஏரியின் நீர்மட்டம் தொடர்ந்து 45.5 அடியாக உள்ளது. ஏரியின் மொத்த கொள்ளளவு 47.5 அடியாகும். கடந்த 26-ந் தேதி முதல் 45.5 அடியாக இருக்கும் வீராணம் ஏரிக்கு இன்று 300 கனஅடிநீர் வருகிறது.மதகுகள் வழியாக 200 கனஅடி நீரும், சென்னை மாநகர குடிநீருக்கு 74 கனஅடி நீரும் திறந்து விடப்படுகிறது

நன்றி:மஜாகார்த்தி www.cuddalore-news.blogspot.com

வாக்காளர் அடையாள அட்டை வழங்கப்படுகிறது

2011-01-03T21:52:00.000+05:30

காட்டுமன்னார்கோவில் தாலுகாவில் புதிய வாக்காளர்களுக்கு அடையாள அட்டை வழங்கப்பட்டு வருகிறது.வரும் மே மாதம் சட்சபை தேர்தல் நடைபெற உள்ளதையொட்டி 18 வயது நிரம்பியவர்களுக்கு வாக்காளர் அடையாள அட்டைக்காக போட்டோ எடுக்கும் பணி நடந்து முடிந்தது. அதனை தொடர்ந்து தற்போது புதிய வாக்காளர்களுக்கு அடையாள அட்டை வழங்கும் பணிகள் நடந்து வருகிறது. காட்டுமன்னார்கோவில் தாலுகாவிற்கு முதல் கட்டமாக வந்துள்ள 3 ஆயிரத்து 819 வாக்காளர் அடையாள அட்டைகள் உரியவர்களுக்கு அந்தந்த பகுதி வி.ஏ.ஓ.,க்கள் மூலம் வழங்கப்படுகிறது.

நன்றி:மஜாகார்த்தி www.cuddalore-news.blogspot.com

Welcome 2011

2010-12-31T21:44:00.000+05:30

4.5 கோடி நிவாரண தொகை நம் ஊருக்கு

2010-12-30T00:04:00.001+05:30

காட்டுமன்னார்கோவில் பகுதியில் வெள்ளத்தால் பாதிக்கப்பட்ட பகுதியில் 4.5 கோடி ரூபாய் நிவாரணம் வழங்கும் பணி துவங்கியது. மழை, வெள்ளத்தால் அதிகம் பாதிக்கப்பட்ட காட்டுமன்னார்கோவில், குமராட்சி பகுதியில் ஏற்கனவே 22 கிராமங்களில் பாதிப்புகள் கணக்கெடுப்பு நடத்தி முடிக்கப்பட்டு 4.5 கோடி ரூபாய் நிவாரணம் வழங்கப்படுகிறது. நேற்று முதல் நிவாரணம் வழங்கும் பணி துவங்கியது. தாசில்தார் மேற்பார்வையில் இப்பணி நடந்து வருகிறது.

நன்றி: மஜாகார்த்தி http://cuddalore-news.blogspot.com.blogspot.com

பணம் சம்பாதிப்பது எப்படி?

2010-12-26T21:09:00.001+05:30

from Charu Nivedita by charunivedita

வணக்கம் சாரு,

என் பெயர் சுரேஷ் – கோவையிலிருந்து…

உங்கள் ப்ளாக்-ஐ ஏறக்குறைய தினமும் படிப்பவன். எனக்கு இலக்கியமெல்லாம் தெரியாது… நீங்களோ இலக்கியம் தெரிந்தவர்கள் மற்றும் படிப்பவர்கள் மட்டுமே இவ்வுலகில் வாழத் தகுதியானவர்கள் என்ற முடிவில் இருப்பவர்போல தெரிகிறது.

என்னுடைய பதினைந்து மணி நேர அலுவலக வேலைக்குப்பின் இருக்கும் மிச்ச சொச்ச வீட்டுவேலைகளை முடித்தபிறகு கிடைக்கும் நேரங்களில் முடிந்த அளவு படித்து வருகிறேன். இன்றைய தேதியில் உங்களை மட்டுமே அதிகம் படிப்பவன் என்பதுமட்டுமே உங்களைத் தொந்தரவு செய்ய எனக்கிருக்கும் ஒரே தகுதி என்பதால் இதுவரை உங்களை தொடர்பு கொள்ளாமலே இருந்தேன். ஐம்பது, நூறு என்று புத்தகங்களுக்கு செலவு செய்யவோ, ஊர்விட்டு ஊர்வந்து இலக்கிய கூட்டங்களில் பங்கேற்கவோ என்னிடம் இலக்கிய விஷயமும் இல்லை, அதற்கான பணவசதியும் இல்லை.

பின் எதற்கு இந்த அறிமுகம்?

உங்கள் ப்லோக்மூலம் இன்று உங்கள் பிறந்தநாள் என்று அறிந்தேன். உங்கள் ப்லோகை தொடர்ந்து செலவில்லாமல் படித்துவரும் என்னால் உங்களுக்கு செய்ய முடிந்த ஒரே பதில்மரியாதை – ஒரு பிறந்த நாள் வாழ்த்து…

பிறந்த நாள் வாழ்த்துகள் சாரு…

நன்றி

சுரேஷ்.

நன்றி சுரேஷ்.

எனக்கு இலக்கியம் தெரிந்தவர்கள் அல்லது படிப்பாளிகள் மீது அவ்வளவாக மரியாதை கிடையாது. என் வாழ்வில் படித்தவர்களே படிக்காதவர்களை விட மோசமானவர்களாக இருப்பதைப் பார்த்து வருகிறேன். உதாரணமாக, துணை முதல்வர் ஸ்டாலின் கனிமொழி அளவுக்கு உலக இலக்கியமோ உலக சினிமாவோ தெரியாதவர். 40 ஆண்டுகளாக அரசியலில் இருப்பவர். இருக்கும் இடம் தெரியாமல் இருக்கிறார். ஆனால் உலக இலக்கியம், உலக இசை, உலக சினிமா எல்லாம் அறிந்த கனிமொழி திமுகவை எந்த கதிக்கு ஆளாக்கியிருக்கிறார் என்பதைப் பார்த்தீர்களா? அரசியலிலேயே இன்னொரு உதாரணம், ரவிக்குமார். அவர் அளவுக்குப் படித்த ஒரு நபரை நீங்கள் பார்ப்பது அரிது. நானே கூட Deleuze, Derrida, Foucault, Guattari, Irrigary போன்றவர்களின் கோட்பாடுகளில் ஏதேனும் சந்தேகம் வந்தால் ரவியைத் தான் கேட்பது வழக்கம். தெல்யூஸ்-க்வத்தாரி, ஃபூக்கோ, தெரிதா, இர்ரிகாரி போன்ற பின்நவீனத்துவவாதிகளை ரவிக்குமார் கரைத்துக் குடித்திருப்பவர் என்று எனக்குத் தெரியும். ஆனால் பாருங்கள், தமிழக அரசியல் மேடைகளில் கருணாநிதியின் காலில் சாஷ்டாங்கமாக விழுந்து வணங்குகிறார். படித்தவர்கள் மீது எனக்கு எப்போதுமே மரியாதை இல்லை. படிப்பை விட நீதி (wisdom) முக்கியம் என்று நம்புபவன் நான். நான் ஞாநி எழுதுவதைப் படிப்பேன்; திட்டுவேன். ஆனால் ரவிக்குமார் எழுதுவதை ஒரு வார்த்தை கூடப் படிக்க மாட்டேன். அது பொய். அதிகம் படித்தவர்கள் தங்கள் அறிவை ஒரு மூலதனமாகப் பயன்படுத்துகிறார்கள்; புகழையும் பணத்தையும் செல்வாக்கையும் பெறுவதற்கு அவர்களின் அறிவு ஒரு முதலீடு. நான் பேசுவதெல்லாம் ஞானம் சம்பந்தப்பட்டது . மிஷ்கின் தன்னை ஒரு படிப்பாளி என்று சொல்லிக் கொள்வது பொய். ஒரு நூலகருக்கும் அவருக்கும் எந்த வித்தியாசமும் கிடையாது. கமல்ஹாசனுக்கு வாரிசு இல்லையே என்று கவலைப்பட்டுக் கொண்டிருந்தேன். அந்தக் கவலை இப்போது தீர்ந்தது. மிஷ்கின் இன்னும் 50 ஆண்டுகளுக்கு இப்படியே ஓட்டலாம்.

சுரேஷ், உங்களுக்கு விரைவில் பண வசதி விரைவில் ஏற்படும். நான் பல காலம் சோற்றுக்கே வழியில்லாமல் வெறும் அழுகல் தக்காளியை உண்டு உயிர் வாழ்ந்திருக்கிறேன். இன்னமும் இந்தியாவில் உழைப்புக்குப் பலன் உண்டு என்பதற்கு நான் ஒரு சாட்சி. ஆனால் உழைப்பே உயர்வு தரும் என்ற பொய் வாசங்களில் எனக்கு நம்பிக்கை இல்லை. ஒரு ஆள் வாட்ச்மேனாக இருந்தால் வாழ்நாள் பூராவும் வாட்ச்மேனாகவே இருக்க வேண்டியதுதான். உழைப்போடு கொஞ்சம் புத்தியையும் கலக்க வேண்டும். அப்போது பணம் வரும். வந்த பிறகு, புத்தகம் வாங்க மறந்து விடாதீர்கள்.

அன்புடன்,

சாரு

26.11.2010.

11.10 a.m.

விரைவில்..

2010-12-24T01:48:00.003+05:30

Write on cloud to rain data anywhere

கடும் பனிப்பொழிவு

2010-12-21T22:34:00.000+05:30

சிதம்பரம், காட்டுமன்னார்கோவில் பகுதியில் கடந்த இரு தினங்களாக பகல், இரவு இருவேளையும் தொடர்ந்து பனிப்பொழிவு இருந்து வருகிறது.பகலில் வெயில் இன்றி வானம் மூடியபடி உள்ளது. இதனால் இப்பகுதி மக்களின் இயல்பு வாழ்க்கை பாதிக்கப்பட்டுள்ளது. பனிப்பொழிவு மாலை 5 மணிக்கே தொடங்கி விடுகிறது. இரவு 7 மணிக்கு மேல் கடும் பனிப்பொழிவு நிலவுகிறது.கடும் பனிப்பொழிவால் பொதுமக்கள் வீதியில் நடமாட பயந்து வீட்டுக்குள்ளேயே இருக்கும் நிலை உள்ளது. இதனால் வியாபாரம் பாதிக்கப்பட்டுள்ளது.

சமீபத்தில் பெய்த கனமழை மற்றும் வெள்ளத்தில் சிதம்பரம், காட்டுமன்னார்கோவில் வட்டங்களில் 1.50 லட்சம் ஏக்கரில் பயிரிடப்பட்டிருந்த நெற்பயிர்கள் கடந்த 15 தினங்களாக நீரில் மூழ்கியிருந்தன.தற்போது நீர் வடிந்து வரும் வேளையில் இந்த பனிப்பொழிவால் பயிர்களை நோய் தாக்கும் அபாயம் ஏற்பட்டுள்ளது.நோய் தாக்குதல் ஏற்பட்டதால் துளிகூட பயிர் தேறாது என விவசாயிகள் தெரிவிக்கின்றனர்

நன்றி:தினமணி

வாழ்த்துக்கள் திரு.ரவிக்குமார் அவர்களே

2010-12-20T21:53:00.000+05:30

தான் எழுதும் கட்டுரைகளில் ஆதரங்களோடு எழுத்துகளைப் பதிவு செய்வதில் வல்லவர் ரவிக்குமார் எம்.எல்.ஏ. என விடுதலைச் சிறுத்தைகளின் கட்சித் தலைவர் தொல். திருமாவளவன் கூறினார்.

விடுதலைச் சிறுத்தைகள் கட்சி ரவிக்குமார் எம்.எல்.ஏ. எழுதிய ஆள்வதன் அரசியல், பாப் மார்லி, அண்டை அயல் உலகம், மால்கம் எக்ஸ் ஆகிய நான்கு புத்தகங்கள் உயிர்மை பதிப்பகம் சார்பில் சென்னையில் சனிக்கிழமை வெளியிடப்பட்டது. புத்தகங்களை வெளியிட்டு திருமாவளவன் பேசியதாவது: ரவிக்குமார் பலரும் அறிந்த ஆற்றல்மிக்க எழுத்தாளர்களுள் ஒருவர். செய்திகளை சொற்களை அடுக்கிச் சொல்லிக்கொண்டு போகாமல் அவற்றை நம் முன்னால் காட்சியாக விரியும் வகையில் எழுதும் ஆற்றல் படைத்தவர். முதல்வர் கருணாநிதியே அவருடைய எழுத்துகளைப் படித்துவிட்டு உடனடியாக அதன் நிறை, குறைகளைக் குறிப்பிட்டு மனதாரப் பாராட்டும் அளவுக்கு எழத்தாற்றல் படைத்தவர்.

அதற்குக் காரணம் அவர் தன்னுடைய எழுத்துகளை ஆதாரப்பூர்வமாகப் பதிவு செய்வதுதான். அவருடைய எழுத்து ஒடுக்கப்பட்டவர்களை ஒருங்கிணைக்கிறது. சிறுபான்மையினருக்கு அரணாக விளங்குகிறது என்றார்.

நன்றி:தினமணி

துரை.ரவிக்குமார் எம்எல்ஏ கோரிக்கை

2010-12-20T21:41:00.001+05:30

கடலூர் மாவட்டத்தில் காட்டுமன்னார்கோவில் பகுதியில் வெள்ளச் சேதத்தை பார்வையிட வந்த மத்தியக் குழுவினரிடம் வெள்ள நிவாரண தொகை மற்றும் உதவிகளை உயர்த்தி வழங்கக்கோரி விடுதலைச் சிறுத்தைகள் கட்சியைச் சேர்ந்த காட்டுமன்னார்கோவில் எம்.எல்.ஏ. துரை.ரவிக்குமார் நேரில் சந்தித்து மனு அளித்தார்.

மனு விவரம்:அண்மையில் பெய்த கன மழை மற்றும் வெள்ளத்தில் கடலூர் மாவட்டம் அதிக சேதத்துக்குள்ளானது. அதிலும் குறிப்பாக காட்டுமன்னார்கோவில், குமராட்சி ஒன்றியங்களில் 100 கிராமங்கள் முற்றிலுமாக பாதிக்கப்பட்டன. குடிசை வீடுகள் இடிந்தும், நெற்பயிர்கள் அழுகியும், தண்ணீர் வீட்டுக்குள் புகுந்து பொருள்கள் சேதமடைந்து மக்கள் நஷ்டத்துக்குள் ளாகியுள்ளனர்.மத்திய அரசு தாராளமாக உதவியை வழங்கினால்தான் இந்த இழப்பை ஒரளவுக்கேனும் ஈடு செய்ய முடியும். பேரிடர் மேலாண்மை சட்டத்தாலும், பேரிடம் நிவாரண நிதிக்கான வழிகாட்டு நெறிமுறைகளாலும் உறுதி செய்யப்பட்டுள்ள நிவாரணத் தொகை 5 ஆண்டுகளுக்கு முன்பு நிர்ணயிக்கப்பட்டது. தற்போது விலைவாசி நிலையில் அத்தொகை போதுமானத இல்லை.

எனவே நிவாரணத் தொகை உயர்த்தப்பட வேண்டும். மத்திய அரசு நிர்ணயித்த தொகையை விட மாநில அரசு அதிகமாக தொகை வழங்கப்படும்போது மாநில அரசுக்கு நிதிச்சுமை அதிகரிக்கிறது.எனவே தமிழக அரசுக்கு கூடுதலாக நிதி வழங்க பரிந்துரை செய்ய வேண்டும்.வெள்ளத்தால் முழுமையாக சேதமைடைந்த குடிசைகள் அனைத்தையும் இந்திரா ஆவாஸ் யோஜனா திட்டத்தின்கீழ் காங்கிரீட் வீடுகளை கட்டித்தர வேண்டும். வெள்ளத்தால் பாதிக்கப்பட்ட வீடுகளுக்கு குறைந்தபட்சம் ரூ. 5ஆயிரம் வழங்க வேண்டும். நெற்பயிருக்கு ஹெக்டேர் ஒன்றுக்கு ரூ. 25 ஆயிரம் வழங்க வேண்டும். தோட்டக்கலை பயிர்களுக்கு ஏக்கர் ஒன்றுக்கு ரூ. 25ஆயிரம் வழங்க வேண்டும்.

வெள்ளத்தால் உயிர்இழந்தோர் குடும்பத்துக்கு ரூ.5 லட்சமாக நிவாரணத் தொகையை உயர்த்த வேண்டும்.கடலூர் மாவட்டத்தில் வெள்ளச் சேதத்தை தடுப்பதற்காக வெள்ளியங்கால்ஓடை, பழைய கொள்ளிடம், மணவாய்க்கால், பாசிமுத்தான்ஓடை, கருவாட்டுஓடை ஆகியவற்றின் கரையை அகலப்படுத்தி பலப்படுத்த நிரந்தர பணிகள் குறித்து மாவட்ட நிர்வாகம் ரூ. 93 கோடிக்கு திட்டத்தை தயாரித்து மத்திய அரசு பரிந்துரைக்கு அனுப்பியுள்ளது. அதை விரைந்து நிறைவேற்றிட வேண்டும்.காட்டுமன்னார்கோவில் அருகே திருநாரையூரில் உயர்மட்ட பாலலம் கட்டப்பட வேண்டும் என துரை.ரவிக்குமார் எம்.எல்.ஏ. அந்த மனுவில் தெரிவித்துள்ளார்.

நன்றி:தினமணி

சொல்ல நினைத்த கதை -2

2010-12-16T01:06:00.002+05:30

சாதாரண பேருந்தின் கட்டணத்தை விட மூன்று மடங்கு அதிகமாக கொடுத்துதான் நான் இந்த அனுபவத்தை பெறமுடிகிறது. சுருக்கமாக சொல்லவேண்டுமானால் மேல்தட்டு வர்க்கம்தான் இதை அனுபவிக்க முடிகிறது. சமத்துவத்தை வாய்கிழிய பேசும் அரசாங்கம்தான் தன் மக்களை அவர்களின் சம்பளத்தை கொண்டு மேல்தட்டு, கீழ்தட்டு என பிரித்து இருக்கிறது.

அரசனையும், இறைவனையும் நம்பிதான் நமக்கு இரண்டு உலக வாழ்வு என்பது விதி. இறைவன் தன் மக்களை ஏழை, பணக்காரன் என்று ரீதியில் பிரிப்பதில்லை. சொர்க்கமோ, நரகமோ எல்லாரும் அங்கு சமமாக பாவிக்கப்படும்போது இப் பூவுலகில் அது ஏன் சாத்தியமில்லை. அரசனை நம்பி கைவிடப்பட்டு அனாதையாக தெருவில் திரியும் பிச்சைகாரர்களுக்கு ஒரு வேளை உணவை ஏன் அது தரமுடியவில்லை.? அரசன் ஆளும் நாட்டில் நமக்கு ஒரு கஷ்டம் என்றால் இறைவனை அழைக்கிறோம், ஏன் அரசனை அழைப்பதில்லை.? பிடரி முடியை விட நான் உனக்கு நெருக்கமாக இருக்கிறேன் என இறைவன் சொல்லும்போது, அரசனால் ஏன் சொல்லமுடியவில்லை.? வாயில்லா ஜீவனுக்குகூட நீதி வழங்கிய மனுநீதி சோழன் ஆட்சி ஏன் இங்கே இல்லை.?

மீண்டும் உயிர்ப்பிக்கப்படும் நாளின் சொர்க்கத்தை ஏன் என்னால் இங்கு காணமுடியவில்லை. பூவுலகில் சொர்க்கம் என்பது நிறைவேதா கனவா?. பூலோக சொர்க்கம் சாத்தியமா?

[...தொடரும்]

சொல்ல நினைத்த கதை

2010-12-15T00:42:00.001+05:30

ஒரு புத்தகத்தை ஒருவருக்கு படிக்க கொடுத்து அதில் அவருக்கு என்ன பிடித்திருக்கிறது என்று கேட்டால், அவர் சொல்வது அனேகமாக சில நிகழ்வுகள்தான். அதுதான் அவரை பாதித்திருக்கிறது, அவரை கவர்ந்து இருக்கிறது. இது ஆளுக்கு ஆள் மாறுபடும். அதுபோலதான் நான் உணரும் சில விஷயங்கள். இவற்றை நீங்கள் அனுபவிக்க என் கண்கண்ணாடியை போட்டுகொண்டுதான் படிக்கவேண்டும். சாருவின் ஜீரோ டிகிரியில் என்னை கொணர்ந்து எழுத போகும் புதினம் அல்ல இது. எஸ்.ராமகிருஷ்ணனின் ஒரு 5 மணி நேர பயண அனுபவத்தின் நாவல் என்று நினைத்து கொள்ளுங்களேன்.

சென்னையிலிருந்து சிதம்பரத்திற்கு SETC AC வண்டியில் பயணம். வெளியில் நல்ல மழை. உள்ளே push back சீட்டில்,சீரான குளிர்ச்சியில் Binny's யின் Super Shawl ஐ போர்த்திகொண்டு, வெளியில் மழையில் நனைந்து போகும் கால்நடைகளையும், மரங்களையும், குடை பிடித்து கொண்டு போகும் மனிதர்களையும், ரம்மியமான ஓர் பயணத்தில் நான் ரசிக்கிறேன். 250 ரூபாயில் நான் மேற்கொண்ட பயணம் எனக்கு வண்டலூர் விலங்கியல் பூங்காவின் Lion Safary யைதான் நினைவூட்டியது. எனக்கான வசதியையும் பாதுகாப்பையும் உறுதிபடுத்திய பின்னர் நான் மேற்கொள்ளும் இந்த பயணங்கள் சிலவற்றை எனக்கு உணர்த்தியது. நான் மேற்கொண்ட பல ஆயிரம் கிலோமீட்டர் பயணங்களில் இந்த 200 கிலோமீட்டர் பயணம் எனக்கு முக்கியமான ஒன்று.

[தொடரும்...]

ரூ.4 கோடியே 32 லட்சம் ஒதுக்கீடு

2010-12-13T20:54:00.000+05:30

கடலூர் மாவட்டத்தில் கடந்த சில நாட்களுக்கு முன்பு பெய்த கன மழையினால் மாவட்டமே நீரில் தத்தளித்தது. குறிப்பாக பிற மாவட்டங்களில் பெய்த மழையினால் காட்டுமன்னார்கோவில், சிதம்பரம் ஆகிய தாலுகா பகுதிகள் கடுமையாக பாதிக்கப்பட்டது.

இந்நிலையில் மழை வெள்ள சேதங்களை பார்வையிட்டு ஆய்வுசெய்வதற்காக பொதுப் பணித்துறை அரசு செயலாளர் தனவேல் நேற்று காட்டு மன்னார்கோவில் வந்தார். அதையடுத்து அவர் வீராணம் ஏரியை பார்வையிட்டார். பின்னர் ஏரியில் இருந்து உபரி நீர் வெளியேற்றப்படும் வெள்ளியங்கால் ஓடையை பார்வையிட்டு ஆய்வு செய்தார்.

அப்போது அருகில் இருந்த மாவட்ட கலெக்டர் சீத்தாராமன், மாவட்ட வருவாய் அதிகாரி நடராஜன், பொதுப்பணித்துறை தலைமை பொறியாளர் களிடம் வெள்ளியங்கால் ஓடையின் நீர் தேக்க அளவு எவ்வளவு, எவ்வளவு தண்ணீர் மழைக்காலங்களில் வெளியேற்றப்பட்டது என்பது குறித்து கேட்டறிந்தார். பின்னர் லால்பேட்டை பயணியர் விடுதியில் பேட்டி அளித்தார்

அப்போது பொதுப் பணித்துறை அரசு செயலாளர் தனவேல் கூறியதாவது:-
தமிழ்நாட்டில் வடகிழக்கு பருவ மழையினால் தற்போது பெரும்பாலான ஏரிகள், கால்வாய்க்கல், ஆறுகள், வாய்க்கால்கள் சேதமடைந்து உள்ளது.இவற்றை தற்காலிகமாக சீர்செய்ய பொதுப்பணித்துறை சார்பில் தமிழக அரசுக்கு ரூ.30 கோடி தேவை என்று அறிக்கை அனுப்பப்பட்டது. தமிழக முதல்- அமைச்சர் உத்தரவுபடி இந்த தொகை ஒதுக்கீடு செய்யப்பட்டு உள்ளது. கடலூர் மாவட்டத்திற்கு ரூ.4 கோடியே 32 லட்சம் தற்காலிக சீரமைப்பு பணிக்காக ஒதுக்கீடு செய்யப்பட்டுள்ளது.இந்த பணிகளை 45 நாட்களில் முடிக்க வேண்டும்.

வெள்ள சேதங்களை நிரந்தரமாக தடுக்கும் வகையில் தஞ்சை, நாகை, கடலூர், திருவள்ளூர் ஆகிய 4 மாவட்டங்களில் வெள்ள மேலாண்மை திட்டம் என்ற சிறப்பு திட்டத்தின் கீழ் மொத்தம் ரூ.635 கோடியே 54 லட்சத்தை தமிழக முதல்- அமைச்சர் ஒதுக்கீடு செய்துள்ளார். இதில் தஞ்சை, நாகை, கடலூர் மாவட்ட பகுதிகளில் ஓடும் கொள்ளிடம் ஆற்றில் நிரந்தர வெள்ள தடுப்புபணி களான தஞ்சை மாவட்டம் கொள்ளிடம் வலது கரையில் கல்லணை தலைப்பில் இருந்து கீழணை வரை மேம்படுத்துதல், கடலூர் மாவட்டத்தில் நிரந்தர வெள்ளதடுப்பு பணிக்காக கொள்ளிடம் வலது கரையில் கீழணையில் இருந்து கடலில் சென்று சேரும் வரை ரூ.375 கோடியே 90 லட்சம் நிதி ஒதுக்கீடு செய்யப்பட்டுள்ளது.

கடலூர் மாவட்டத்தில் பெண்ணையாறு, கெடிலம், உப்பனாறு, பரவனாறு மற்றும் தெற்கு மலட்டாறு மூலம் பண்ருட்டி மற்றும் கடலூர் நகரங்களில் வெள்ளத்தினால் ஏற்படும் சேதங்களை தடுக்க நிரந்தர வெள்ள தடுப்பு பணிகள் ரூ.68 கோடியே 41 லட்சமும், கடலூர் மற்றும் விழுப்புரம் மாவட்டங்களில் வெள்ளாறு வடிநிலத்தில் நிரந்தர வெள்ள தடுப்பு பணிகளாக கடலூர் மாவட்டத்தில் வெள்ளாற்றின் விரிவான வெள்ள மேலாண்மை பணிகள், கடலூர் மற்றும் விழுப்புரம் மாவட்டங்களில் வெள்ளாறு வடிநிலத்தின் மணிமுத்தா உபவடிநிலத்தில் விரிவான வெள்ள மேலாண்மை பணிகள் ரூ.164 கோடியே 32 லட்சம் செலவிலும், திருவள்ளூர் மாவட்டத்தில் ஆரணி யாற்றில் ஏ.என்.குப்பம் அணைக் கட்டிற்குமேல் மற்றும் கீழ்புறங்களிலும் லட்சுமி புரம் அணைக்கட்டில் இருந்து புலிகாட் வரையில் நிரந்தர வெள்ள தடுப்பு பணிகள் ரூ.12 கோடியே 41 லட்சம் செலவிலும், அதே மாவட்ட த்தில் கொசஸ் தலையாறு ஆற்றில் நாப் பாளையம் முதல் கடல் முகத்துவாரம் வரை நிரந்தர வெள்ள தடுப்பு பணிக்காக ரூ.14கோடியே 50 லட்சம் நிதியும் ஒதுக்கீடு செய்யப்பட்டு உள்ளது.இந்த பணிகள் அனைத்தும் விரைவில் தொடங்கி 2012 மார்ச் மாதம் முடிக்க திட்ட மிடப்பட்டு உள்ளது.

வீராணம் ஏரியின் வெள்ளியங்கால் ஓடையி னால் ஏற்படும் வெள்ள சேதங்களை நிரந்தரமாக தடுப்பதற்கு தமிழக முதல்- அமைச்சர் உத்தரவின்பேரில் முதல் கட்ட ஆய்வு பொதுப் பணித்துறை வல்லுநர்களால் நடத்தப்பட்டு ரூ.93 கோடி நிதிஒதுக்கீடு செய்ய வேண்டும் என்று அறிக்கை அனுப்பிவைக்கப்பட்டு உள்ளது. இந்த பணிகள் விரைவில் தொடங்கும்.பொதுப்பணித்துறை கட்டுப்பாட்டில் 13 ஆயிரத்து 702 ஏரிகள் உள்ளது. இதில் 9 ஆயிரத்து 637 ஏரிகள் கடந்த மழையினால் முழு கொள்ளளவை எட்டி உள்ளது.

1678 ஏரிகள் 75 சதவீதத் திற்கு மேல் தண்ணீர் தேக்கி வைக்கப்பட்டு உள்ளது.7 சதவீத ஏரிகள் 50 சதவீத தண்ணீரும், 8 சதவீத ஏரிகள் பாதி அளவுக்கு கீழ் தண்ணீர் உள்ளது. நீர் நிலைகள் நன்றாக உள்ளது.பெரிய அணை களான மேட்டூர், சாத்தனூர், வைகை போன்ற பெரிய பெரிய அணைகள் முழுமை யான நிரம்பி உள்ளது. வீராணம் ஏரியில் மழைக்காலங்களில் 48.5 சதவீதம் நீர் தேக்கப்பட்டது.பாசனத்திற்கும் , சென்னை குடிநீருக்கும் இந்த ஏரி மிக முக்கியமாக கருதப்படுவதால் அந்த அளவுக்கு நீர் தேக்கி வைக்கப்பட்டது. பொது மக்கள் மற்றும் விவசாயிகள் மழைக் காலங்களில் வீரா ணம் ஏரியில் தண்ணீரை அதிக அளவு தேக்க வேண் டாம் என்று கோரிக்கை வைத்துள்ளனர். இவர்களின் கருத்துகளை தொழில்நுட்ப வல்லுநர்களால் பரிசீலனை செய்யப்படும்.

மேலும் தற்போது பெய்த மழையினால் பழுதடைந் துள்ள நீர் ஆதார ஷட்டர்கள் பழுது நீக்கம் செய்யப்படும். இவ்வாறு பொதுப் பணித் துறை அரசு செயலாளர் தனவேல் கூறினார்.

நன்றி:மஜாகார்த்தி www.cuddalore-news.blogspot.com

இலவச பொங்கல் பொருட்கள்

2010-12-10T17:20:00.000+05:30

கடலூர் மாவட்ட கலெக்டர் சீத்தாராமன் வெளியிட்டுள்ள செய்தி குறிப்பில் கூறியிருப்பது:- தைதிங்கள் முதல் நாளை தமிழ் புத்தாண்டு தினமாக கொண்டாட அறிவித்துள்ள தமிழக அரசு இந்த தமிழ் புத்தாண்டுக்கு குடும்ப அட்டைதாரர்கள் அனைவருக்கும் பொங்கல் வைப்பதற்கு தேவையான பொருட்களை இலவசமாக வழங்கிட உத்தரவிட்டுள்ளது.

அதன்படி இந்த திட்டத்தின் கீழ் கடலூர் மாவட்டத்தில் 6 லட்சத்து 61 ஆயிரத்து 189 குடும்ப அட்டைதாரர்கள் பயனடையும் விதத்தில் பச்சரிசி 1/2 கிலோ, வெல்லம் 1/2 கிலோ, பாசிப்பயிறு 100 கிராம், மற்றும் முந்திரி, திராட்சை, ஏலக்காய் 20 கிராம், போன்ற நான்கு பொருட்கள் அடங்கிய தனி பைகளை மாவட்டம் முழுவதும் உள்ள அனைத்து குடும்ப அட்டை தாரர்களுக்கும் வருகிற ஜனவரி மாதம் 1-ந்தேதி(சனிக்கிழமை) முதல் 14-ந்தேதி (வெள்ளிக்கிழமை) வரையில் அந்தந்த நியாயவிலை கடைகளில் ஒவ்வொரு பகுதி வார்டு வாரியாக தனித்தனியாக நாள் ஒதுக்கப்பட்டு இந்த இலவச பொங்கல் பொருட்கள் வழங்கப்பட உள்ளன.

மேலும் எந்த நாளில் எந்தபகுதி அல்லது வார்டுகளுக்கு வழங்கப்படுகிறது என்பது குறித்த அறிவிப்பு நியாயவிலை கடைகளில் முன்கூட்டியே தகவல் தெரிவிக்கப்பட உள்ளது. இதில் அரிசி பெறும் குடும்ப அட்டைகள் சர்க்கரை மட்டும் பெறும் குடும்ப அட்டைகள் மற்றும் காவலர் குடும்ப அட்டை என அனைத்து குடும்ப அட்டைதாரர்கள் என ஒருவர் கூட விடு படாமல் பொருட்கள் வழங்கப்படுகிறது.

எனவே குடும்ப அட்டை தாரர்கள் கூட்டம், கூட்டமாக சூழ்ந்து நெரிசலில் சிக்காமல் அவர்களுக்கு என்று ஒதுக்கப்பட்ட தேதியில் நியாயவிலைக் கடைகளுக்கு சென்று தமிழக அரசின் இலவச பொங்கல் பொருள் பைகளை பெற்றுக் கொள்ளலாம்.

நன்றி:மஜாகார்த்தி www.cuddalore-news.blogspot.com